10.10.2026 | 18:18
ԶՈՒ ԳՇ պետն այցելել է մի շարք զորամասեր
ՌԴ-ին չի կարելի անպատիժ թողնել Ուկրաինայի դեմ իր գործողությունների համար․ Բլինքեն
Քաղաքականություն
19.01.2022 | 16:13
ԱՄՆ պետքարտուղար Էնթոնի Բլինքենը հայտարարել է, որ Ռուսաստանին չի կարելի անպատիժ թողնել Ուկրաինայի դեմ գործողությունների համար, որպեսզի «Պանդորայի արկղը» չբացվի մյուս ավտոկրատ երկրների առջև՝ նմանատիպ ագրեսիվ գործողությունների դիմելու համար։ Բլինքենն այս մասին ասել է Pod Save America քաղաքական փոդքաստին տված մեկնաբանությունում, գրում է unian.net-ը:
Բլինքենը նշել է, որ շատ ամերիկացիներ հարցնում են՝ ինչո՞ւ է ԱՄՆ-ն այդքան կենտրոնացած Ուկրաինայի վրա և ինչո՞ւ է այն այդքան կարևոր։
«Պատասխանը հետևյալն է. իհարկե՝ Ուկրաինան ինքնին նշանակություն ունի: Երկար տարիներ մենք վճռականորեն հանդես ենք եկել նրա ինքնիշխանության, տարածքային ամբողջականության և անկախության օգտին։ Սա այն բանաձևն է, որի մասին անվերջ լսել եք: Բայց մենք խոսում ենք նաև ավելիի մասին՝ ոչ միայն Ուկրաինայի, որովհետև տեղի է ունենում այն, որ կա մեկ երկիր՝ Ռուսաստանը, որն իր գործողություններով ասում է, որ ուղղակի կարող է բռնի ուժով փոխել հարևան երկրի սահմանները, ասում է՝ կարող է որոշումներ կայացնել հարևան երկրի փոխարեն, թե ում հետ կարող է այդ երկիրը դաշինք կազմել, այլ ոչ թե այդ երկրի ժողովրդը՝ իր ընտրած կառավարության օգնությամբ»,- ասել է Բլինքենը։
Տաթև Ֆռանգյան
