10.02.2026 | 17:51
«Նոայի» նախագահ․ Մենք գերպատասխանատվություն ենք զգում այն ճանապարհի համար, որը հիմա անցնում ենք միասին
Ադրբեջանը հունվարի 24-ից կանոնավոր ավտոբուսային երթուղիներ է գործարկելու դեպի Արցախի գրավյալ Շուշի և Ակնա
Քաղաքականություն
17.01.2022 | 18:18
Ադրբեջանը պատրաստվում է հունվարից 24-ից առաջին կանոնավոր ավտոբուսային երթուղիները գործարկել դեպի Արցախի գրավյալ տարածքներ, գրում են ադրբեջանական լրատվամիջոցները։
Նախնական փուլում պայմաններ են ստեղծվելու Շուշի և Ակնա ավտոբուսներ ուղարկելու համար։ Նախատեսված երթուղիներն են Բաքու-Շուշի-Բաքու, Ահմեդբեյլի-Շուշի-Ահմեդբեյլի, Բաքու-Ակնա-Բաքու և Բարդա-Ակնա-Բարդա։
Նշենք, որ դեպի Շուշի և Ակնա ավտոբուսային երթուղիների բացման ժամկետը պարբերաբար փոփոխվում է։ Ավելի վաղ Ադրբեջանում հայտնում էին, որ հունվարի 15-ից են կանոնավոր ավտոբուսային ուղևորափոխադրումներ գործարկելու Շուշի և Ակնա։ Չի բացառվում, որ հունվարի 24-ից ևս ուղևորափոխադրումները չմեկնարկեն։
Էմմա Չոբանյան
