06.08.2026 | 18:13
Սոցցանցերում բոտերը Վրաստանում ռուսների նկատմամբ թշնամանքի մասին գրառումներ են տարածել․ Թբիլիսին հետաքննություն է սկսել
Թուրքիայում լեռնադահուկային հանգստավայրում ՄԱԿ-ի համակարգող անդամի դին է հայտնաբերվել
Քաղաքականություն
17.01.2022 | 14:00
Թուրքիայի Էրջիյես լեռնադահուկային հանգստավայրում փրկարարները հայտնաբերել են ՄԱԿ-ի համակարգող անդամ, Կանադայի քաղաքացի Մայքլ Քրիֆթի դին։ Այս մասին գրում է ՌԻԱ Նովոստին՝ վկայակոչելով Hurriyet-ին։
Աղբյուրի փոխանցմամբ՝ երեք հոգի Գազիանթեփից Կայսերի են ժամանել՝ դահուկ քշելու, և Էրջիյես լեռնադահուկային հանգստավայրում ձնահյուսի տակ են մնացել։
«Որոնողափրկարարական ջոկատները փրկել են 2 մարդու, մինչդեռ մեկի որոնումները շարունակվել են։ -25 աստիճան ջերմաստիճանի պայմաններում խմբերի կողմից իրականացված որոնումների ժամանակ հայտնաբերվել է ձնահյուսի մեջ հայտնված տղամարդու դի։ Պարզվել է՝ մահացածը Մայքլ Քրիֆթն է՝ Կանադայի քաղաքացի, որն աշխատում է Գազիանթեփում՝ որպես ՄԱԿ-ի համակարգող անդամ»,- գրում է լրատվամիջոցը։
Էմմա Չոբանյան
