Քաղաքականություն
14.01.2022 | 12:05
Հայաստանի և Թուրքիայի պատվիրակությունները ժամանել են Մոսկվայում ՌԴ ԱԳՆ ընդունելությունների տուն, որտեղ տեղի է ունենալու երկու երկրների հատուկ ներկայացուցիչների առաջին հանդիպումը՝ երկկողմ հարաբերությունների կարգավորման շուրջ, հայտնում է ՌԻԱ Նովոստիի թղթակիցը։
Հայաստանի հատուկ ներկայացուցիչը ՀՀ ԱԺ փոխնախագահ Ռուբեն Ռուբինյանն է, իսկ Թուրքիայինը՝ ԱՄՆ-ում այդ երկրի նախկին դեսպան Սերդար Քըլըչը։
Հիշեցնենք, որ Հայաստանը և Թուրքիան հատուկ ներկայացուցիչներ են նշանակել՝ քննարկելու երկու երկրների հարաբերությունների կարգավորմանն ուղղված քայլերը։
Տաթև Ֆռանգյան
