16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ադրբեջանցիների կողմից գերեվարված հովիվը փոխանցվել է հայկական կողմին. Տեղի համայնքապետ
Հասարակություն
13.01.2022 | 23:44
Մոտ 2 ժամ առաջ ադրբեջանցիները ռուս խաղաղապահներին են վերադարձրել Սյունիքի մարզի Տեղ համայնքի 53-ամյա բնակչին։ Ժամը 23.00-ի սահմաններում էլ խաղաղապահները հայկական կողմին են փոխանցել քաղաքացուն։
«Ինքն արդեն մեզ մոտ է, ամեն ինչ նորմալ է»,- Factor.am-ին փոխանցեց Տեղի համայնքապետ Դավիթ Ղուլունցը։
Factor TV-ն ավելի վաղ հայտնել էր, որ այսօր՝ ժամը 15-16.00-ի սահմաններում, ադրբեջանցի զինծառայողները գերեվարել են Սյունիքի մարզի Տեղ համայնքի մի բնակչի։ Դավիթ Ղուլունցը հայտնել էր, որ հովիվը ոչխարներին տարել է արածեցնելու և շփոթվել՝ ադրբեջանական կողմն է անցել։ Նրան գերեվարել էին, ոչխարներին էլ՝ տարել։
Մերի Մարտիրոսյան
