24.04.2026 | 23:32
Կապանում ջրանջատում կլինի
Ղազախստանի ՊՆ-ն մեդալներ է շնորհել ՀԱՊԿ խաղաղապահներին
Քաղաքականություն
13.01.2022 | 16:37
ՀԱՊԿ զորախմբի որոշ խաղաղապահներ, Ղազախստանի պաշտպանության նախարար Մուրատ Բեկտանովի հրամանով, պարգևատրվել են «Միջազգային համագործակցության մեջ ներդրման համար» մեդալներով։ Այս մասին հայտարարել է հանրապետության Պաշտպանության նախարարության մամուլի ծառայությունը՝ Ալմաթիում խաղաղապահ գործողության ավարտին նվիրված արարողության արդյունքներով, գրում է ՏԱՍՍ-ը։
«Ղազախստանի պաշտպանության նախարարի անունից շնորհակալություն է հայտնվել Հավաքական խաղաղապահ ուժերի կոնտինգենտի զինծառայողներին։ Ղազախստանի պաշտպանության նախարարի հրամանով մի շարք խաղաղապահներ պարգևատրվել են «Միջազգային համագործակցության մեջ ավանդի համար» մեդալներով և պատվոգրերով»,- ասվում է հաղորդագրության մեջ։
«Դուք ապահովեցիք ռազմավարական և այլ կարևոր օբյեկտների անվտանգությունը: Ձեր ժամանման շնորհիվ ղազախ զինծառայողները և իրավապահ մարմինները կարողացան սկսել կատարել իրենց անմիջական պարտականությունները՝ ավազակային տարրեր որոնելը և կալանավորելը»,- խաղաղապահներին է դիմել Ղազախստանի պաշտպանության փոխնախարար Մուհամեջան Տալասովը:
Տաթև Ֆռանգյան
