10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Թուրքական ընդդիմության առաջնորդը հայտարարել է, որ երկրի տնտեսությունը կոլապսի մեջ է
Քաղաքականություն
12.01.2022 | 18:00
Թուրքիայի գլխավոր ընդդիմադիր Ժողովրդահանրապետական կուսակցության ղեկավար Քեմալ Քըլչդարօղլուն խորհրդարանական խմբակցության հանդիպման ժամանակ անդրադարձել է երկրում տիրող տնտեսական ճգնաժամին, գրում է Bianet-ը։ Նա նշել է, որ կառավարությունը ձախողել է կառավարումը։
«Երկիրը հիմա չի ղեկավարվում։ Ուժային խմբերը, փաստացի, ղեկավարում են քաղաքական իշխանությունը։ Նրանցից որոշները նարկոբարոններ են, որոշները՝ բարոններ, ոմանք էլ վաշխառու բարոններ»,-ասել է Քըլըչդարօղլուն։
Խոսելով Թուրքիայում աճող աղքատության մասին՝ ընդդիմադիր գործիչը անդրադարձել է իր կուսակցության պատգավորների հարցման պատասխանին, թե քանի մարդ է չի կարողացել վճարել իր օգտագործած բնական գազի դիմաց։
«74 հազար մարդու բնական գազը անջատվել է 2019թ-ին չվճարման պատճառով։ Այս թիվը 2020թ-ին հասել է 87,626թ-ի, 2021-ին՝ 107,679-ի»,-ասել է Քըլըչդարօղլուն։
Նա հայտարարել է, որ Թուրքիայի նախագահ Ռեջեփ Թայիփ Էրդողանը ծառայում է դոլարային բարոնների և ոչ թե երկրի քաղաքացիներին։
Էմմա Չոբանյան
