10.10.2026 | 18:18
ԶՈՒ ԳՇ պետն այցելել է մի շարք զորամասեր
ՌԴ-ն ապակառուցողական դեր ունի․ Թուրքիայում կարծում են, որ միայն Անկարան կարող է վերջ դնել Ղազախստանում տիրող քաոսին
Քաղաքականություն
10.01.2022 | 15:43
Թուրքական Yeni Akit պարբերականը, որն իսլամական հայացքներ ունի և համարվում է նախագահ Ռեջեփ Թայիփ Էրդողանի «Արդարություն ու զարգացում» կուսակցության աջակիցներից, ուշագրավ հրապարակում է արել Ղազախստանում տիրող իրավիճակի կապակցությամբ։
Մասնավորապես, պարբերականը գրում է, թե «Թուրքիան միակ երկիրն է, որը կարող է վերջ դնել Ղազախստանում իմպերալիստական պետությունների կողմից ստեղծված քաոսին»։ Հրապարակման մեջ ասվում է, որ նախագահ Էրդողանի ու Թուրքիայի միջամտությամբ են լուծվել Աֆրիկայից մինչև Բալկաններ, Մերձավոր Արևելքից մինչև Կովկաս ի հայտ եկած ճգնաժամերը, և Ղազախստանում էլ քաոսը կարող է դադարել Թուրքիայի ձեռնարկած քայլերի շնորհիվ։
Մասավորապես, ն ասել է, որ «ցանկանում են ապակայունացնել Կենտրոնական Ասիայի երկրները և Ղազախստանը սկիզբն է, պետք է կանխել «արաբական գարնան» սցերնարները»։
«Ռուսաստանը, ԱՄՆ-ն, Չինաստանն ու ԵՄ-ն ճգնաժամի խորացումից այն կողմ չեն անցնում։ Թուրքիան միակն է, որ դիվանագիտական ջանքներով կարող է կանխել քաղաքական անկայունությունը։ Դրանով և՛ Ղազախստանը, և՛ տարածաշրջանի երկրները քաոսից պաշտպանված կլինեն»,-լրատվամիջոցի հետ զրույցում ասել է փորձագետ Մուրատ Աքանը։ «Ռուսաստանը չի կարող լուծել Ղազախստանի ճգնաժամը, Թուրքիան Թուրքական պետությունների կազմակերպության միջոցով՝ կարող է։ ԱՄՆ-ն, Չինաստանն ու Ռուսաստանը ուժեղ Ղազախստան չեն ուզում, դրա համար ուզում են այն ապակայունացնել։ Կենտրոնական Ասիայի հետ Թուրքիայի տնտեսական և քաղաքական համագործակցությունը անհանգստացրել է այս երեք երկրներին։ Նրանք մեր դեմ են դիրքավորվել։ Թուրքիան իր ակտիվ քաղաքականությամբ կարող է կայունություն հաստատել»,- ասել է նա։
Հավելենք,որ Թուրքական պետությունների կազմակերպության ԱԳ նախարարները հունվարի 11-ին արտահերթ նիստ են անցկացնելու՝քննարկելու Ղազախստանում տիրող իրավիճակը։
Էմմա Չոբանյան
