Քաղաքականություն
14.04.2018 | 00:05Ապրիլի 11-ին ՀՀԿ Գմ նիստից հետո ՀՀԿ խոսնակ Էդուարդ Շարմազանովը հայտարարեց, թե ԳՄ նիստում քննարկվել է բացառապես Սերժ Սարգսյանի թեկնածությունը․ «Շաբաթ օրը ՀՀԿ խորհրդի նիստին կներկայացնենք մեր վարչապետի թեկնածուին: Կարծում եմ՝ պարզ է՝ ով է լինելու մեր վարչապետի թեկնածուն, որովհետև այլ անուն մենք չենք քննարկել, այլ կարծիքներ չեն հնչել, չեն եղել, և կարծում եմ՝ ոչ մեկի մտքով չի էլ անցել»,- հավաստիացրեց Շարմազանովը։
Մեկ օր անց արդեն Արդարադատության նախարար, ՀՀԿ ԳՄ անդամ Դավիթ Հարությունյանը, հակասելով Շարմազանովին, ասաց․ «Քննարկումներ եղել են և, բնականաբար, քննարկվել են բոլոր հնարավոր տարբերակները ։ Յուրաքանչյուր մեծ կուսակցություն չի կարող ունենալ վարչապետի ընդամենը մեկ թեկնածու: Բնականաբար, ՀՀԿ-ն բացառություն չի կարող լինել և չի կարող ունենալ վարչապետի մեկ թեկնածու: Նորից ուզում եմ շեշտել և դրա մասին նախկինում էլ եմ նշել, մենք մի թեկնածու չէ, որ ունենք, երկու թեկնածու չէ, որ ունենք»։
Փաստորեն, ՀՀԿ գործադիր մարմնի մեկ անդամ ցանկանում է ցույց տալ, թե ՀՀԿ-ում բոլորը միահամուռ մեկ անձի շուրջ են համախմբված, մյուսը՝ թե ՀՀԿ-ում կա բազմակարծություն և բարձրագույն պաշտոնի հավակնելու արժանիք ունեցող այլ անձ:
Հետաքրքիր է, թե նրանցից ով է մեղանչում ճշմարտության դեմ։
