07.11.2024 | 14:07
Էկոպարեկային ծառայության պետ Վլադիմիր Կիրակոսյանի ասուլիսը. ՈՒՂԻՂ
Թուրքիան ԱՄՆ-ին առաջարկել է երկխոսության համատեղ մեխանիզմ ձևավորել
Քաղաքականություն
30.12.2021 | 19:04
Պաշտոնական Անկարան Վաշինգտոնին տեղեկացրել է փոխադարձ հետաքրքրություն ներկայացնող հարցերի շուրջ երկխոսության համատեղ մեխանիզմ ձևավորելու պատրաստակամության մասին։ Այս մասին «Անադոլու» գործակակությանն ասել է Թուրքիայի նախագահի մամուլի խոսնակ Իբրահիմ Քալընը։
Նրա խոսքով՝ տվյալ մեխանիզմի շրջանակում կարող են քննարկվել ոչ միայն խնդրահարույց հարցերը, այլև միջազգային օրակարգի արդիական հարցեր, օրինակ՝ իրավիճակը Սիրիայում, Ուկրաինայում, Հարավային Կովկասում, Արևելյան Միջերկրականում։
«Վաշինգտոնին ուղղված Թուրքիայի ԱԳՆ նամակում կան կոնկրետ առաջարկներ այդ մեխանիզմի, աշխատանքի սկզբունքների շուրջ։ Մենք հանդես ենք գալիս ԱՄՆ-ի հետ երկխոսության խթանման օգտին՝ փոխադարձ հարգանքի և շահերի համակցության սկզբունքների հիման վրա»,- ասել է Քալընը։
Նա նշել է, որ Թուրքիայի ու ԱՄՆ-ի կապերը հիմնվում են ռազմավարական գործընկերության պատմական հիմքի վրա, ինչպես նաև ՆԱՏՕ-ի շրջանակում։
Էրդողանի խոսնակն ասել է, որ այսօր խոսում են երկու-երեք հարցի մասին, որոնց վերաբերյալ կողմերի դիրքորոշումները տարբեր են։
«Անկարայի և Վաշինգտոնի համագործակցությունը «թունավորող» գործոններից մեկն ամերիկյան աջակցությունն է RKK-YPG ահաբեկչական կազմակերպության սիրիական թևին։ Այս սխալ ընթացքը շարունակվել է Բարաք Օբամայի նախագահությունից ի վեր։ Մենք շարունակում ենք ԱՄՆ-ին հասցնել մեր անհանգստությունը այդ հարցի շուրջ»,- ասել է Էրդողանի խոսնակը՝ միաժամանակ ուշադրություն հրավիրելով Թուրքիայի նկատմամբ ԱՄՆ-ի սահմանած պատժամիջոցների վրա՝ դրանք անվանելով «անօրինական ու անարդար»։
Էմմա Չոբանյան
