19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Ո՞վ պետք է վճարի քաղաքացու թեստի համար. Ավանեսյանի պարզաբանումը․ ՏԵՍԱՆՅՈՒԹ
30.12.2021 | 12:20
Ո՞վ պետք է վճարի պատվաստվելուց հրաժարվող և գործատուին ամեն շաբաթ կորոնավիրուսի բացասական արդյունք ներկայացնող աշխատողի թեստի գումարը: Սահմանադրական դատարանի հրապարակած որոշումից հետո այս հարցին հակասական պատասխաններ են հնչում։
Նշենք, որ Սահմանադրական դատարանը հակասահմանադրական ճանաչեց ՊՇՌ հետազոտությունը «աշխատակցի հաշվին իրականացնելու» մասին բառակապակցությունը։
Առողջապահության նախարար Անահիտ Ավանեսյանն այսօր լրագրողների հետ զրույցում ընդգծեց, որ Սահմանադրական դատարանն ընդամենը հակասահմանադրական է ճանաչել նախարարի հրամանում նշված՝ «իր հաշվին» արտահայտությունը, հետևաբար գործող կարգի մեջ ոչինչ չի փոխվում։
««Իր հաշվին» արտահայտությունը դուրս կգա, որովհետև չպետք է սահմանափակել, որ քաղաքացին պետք է հենց իր հաշվին և ոչ թե, օրինակ, բարեկամի կամ որևէ բարերարի հաշվին վճարի»,- նշեց նախարարը՝ հավելելով, որ գործատուի կամ պետության կողմից նման ծախս վերցնելու վերաբերյալ որևէ որոշում չկա:
Մանրամասները՝ տեսանյութում:
