06.06.2026 | 14:11
Հայ շախմատիստների վերջնական արդյունքները կանանց ԵԱ-ում
ՌԴ ԱԳ փոխնախարարը խոսել է Հայաստանի և Ադրբեջանի միջև սահմանի դելիմիտացիայի հանձնաժողովի ստեղծման մասին
Քաղաքականություն
29.12.2021 | 17:23
Հայաստանի և Ադրբեջանի պետական սահմանի դելիմիտացիայի հանձնաժողովը կարող է ստեղծվել առաջիկայում։ Այս մասին ՌԻԱ Նովոստիին տված հարցազրույցում հայտարարել է ՌԴ ԱԳ փոխնախարար Անդրեյ Ռուդենկոն։
Նա հիշեցրել է, որ նոյեմբերի 26-ին Սոչիում Ռուսաստանի, Հայաստանի և Ադրբեջանի ղեկավարները պայմանավորվել են ստեղծել ՌԴ-ի խորհրդատվական աջակցությամբ Հայաստանի և Ադրբեջանի միջև պետական սահմանի դելիմիտացիայի երկկողմ հանձնաժողով։
«Ելնում ենք նրանից, որ դա տեղի կունենա շուտով։ Որևէ անհաղթահարելի խոչընդոտ չենք տեսնում բարձրագույն մակարդակով այդ պայմանավորվածության իրագործման ճանապարհին»,- ասել է Ռուդենկոն։
ՌԴ փոխարտգործնախարարը նշել է, որ Ռուսաստանը մայիսին հայ-ադրբեջանական սահմանի առանձին հատվածներում իրավիճակի սրման սկզբից հանդես է եկել միջնորդի դերում՝ առաջարկելով իր օգնությունը Հայաստանի և Ադրբեջանի միջև համապատասխան բանակցային գործընթացի մեկնարկի համար։
«Նշեմ, որ միջադեպերը չունեն ուղիղ կապ ռուս խաղաղապահների պատասխանատվության գոտու հետ։ Խնդիրը ժառանգվել է խորհրդային ժամանակներից և պայմանավորված է երկու երկրների պետական սահմանի ամբողջ երկայնքով միջազգային իրավական գրանցման բացակայությամբ»,- ասել է Ռուդենկոն։
Հավելենք, որ մայիսի 12-ից ադրբեջանական զորքերը ներխուժել են ՀՀ ինքնիշխան տարածք ու հրաժարվում են հեռանալ։
Էմմա Չոբանյան
