17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Օպերատիվ իրավիճակը հանրապետությունում դեկտեմբերի 27-ից 28-ը
Հասարակություն
28.12.2021 | 10:29
Ըստ ոստիկանության օպերատիվ հաղորդագրությունների ամփոփագրերի` դեկտեմբերի 27-ից 28-ը Հայաստանի Հանրապետության ոստիկանության ստորաբաժանումները բացահայտել են հանցագործության 69 դեպք, որից 3-ը՝ նախկինում կատարված. տեղեկացնում են ՀՀ ոստիկանությունից։
Մասնավորապես՝ անձնական ունեցվածքի գողության՝ 24, մարմնական վնասվածք պատճառելու` 8, խարդախության՝ 7, թմրամիջոցի հայտնաբերման և ընտանեկան բռնության՝ 3-ական, յուրացնելու կամ վատնելու, զենք-զինամթերքի առգրավման, պաշտոնեական լիազորությունների չարաշահման, ծանր վիրավորանքի, սպանության սպառնալիքի, ծեծի ու ծնողի և երեխայի միջև տեսակցության իրականացմանը խոչընդոտելու՝ 2-ական, անձի առևանգման, կողոպուտի, կաշառակերության, վանդալիզմի, աշխատանքային պաշտպանության կանոնները խախտելու, քրեական ենթամշակույթ կրող խմբավորում ստեղծելու կամ ղեկավարելու և թմրանյութի իրացման՝ 1-ական դեպք։
Հայտնաբերվել է 1 անհետ կորած, 5 հետախուզվող։ Կամավոր ներկայացել է 6 հետախուզվող։
Գրանցվել է զենք-զինամթերքի առգրավման 1 դեպք։
Նախկինում կատարված հանցագործություններից բացահայտվել է համակարգչային հանցագործության՝ 2, և անձնական ունեցվածքի գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 7 պատահար. 9 մարդ ստացել է տարբեր աստիճանի մարմնական վնասվածքներ:
