17.12.2025 | 11:33
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
Բրազիլիայում և Բոլիվիայում ջրհեղեղների հետևանքով առնվազն 30 մարդ է զոհվել
Քաղաքականություն
27.12.2021 | 14:30
Բրազիլիայում և Բոլիվիայում ջրհեղեղների հետևանքով զոհվել է առնվազն 30 մարդ։ CNN-ի փոխանցմամբ՝ Բրազիլիայի հյուսիս-արևելքում ջրհեղեղի հետևանքով, որի արդյունքում տուժել է Բաիա նահանգի մոտ 40 բնակավայր, 18 մարդ է զոհվել, ավելի քան 280-ը՝ վիրավորվել։
«Սա հսկայական ողբերգություն է: Ես չեմ կարող նման բան հիշել Բաիայի նորագույն պատմության մեջ՝ հաշվի առնելով ավերածությունների չափը: Դա իսկապես սարսափելի է, շատ շենքեր և փողոցներ ամբողջովին ջրի տակ են»,- ասել է Ռուի Կոստան նահանգի ղեկավարը, որը գտնվում է տարերքից ամենաշատը տուժած Իլհեուս քաղաքում։
Նշվում է, որ ավելի քան 35 հազար մարդ ստիպված է եղել լքել իրենց տները։ Իտամբի քաղաքում հորդառատ անձրևների պատճառով վնասվել է ամբարտակը, ինչը կարող է ավելի վատթարացնել իրավիճակը։
Բրազիլիայի օդերևութաբանական ծառայությունները զգուշացնում են նոր ջրհեղեղների և սողանքների վտանգի մասին, քանի որ անձրևները կարող են շարունակվել մեկ օրից ավելի։
«Վնասվել է ավելի քան 400 տուն, որոնցից 80-ն այլևս ենթակա չեն վերականգնման: Իսկ մենք տեղեկություն ունենք 13 զոհերի մասին»,- ասել է Բոլիվիայի պաշտպանության փոխնախարար Խուան Կառլոս Կալվիմոնտեսը։
Հորդառատ անձրևներից տուժել են երկրի ինը դեպարտամենտներից յոթը:
«Սանտա Կրուսում իրավիճակը իսկապես կրիտիկական է»,- ասել է նա:
Ջրհեղեղներից տուժել է առնվազն 1000 ընտանիք: Մի քանի բնակավայրերում տարհանում է իրականացվում։
Տաթև Ֆռանգյան
