16.12.2025 | 13:20
Թրամփը դատի է տվել BBC-ին` պահանջելով 5 մլրդ դոլար
Եթե միջանցքներ ասելով Թուրքիան նկատի ունի ՀՀ ճանապարհները որպես ՀՀ սուվերեն տարածք օգտագործելը, մեր մոտեցումները համընկնում են. ԱԽ քարտուղար
Քաղաքականություն
23.12.2021 | 00:13
Ընդհանուր առմամբ, հայ-թուրքական օրակարգ դեռևս չկա։ Այս մասին Հանրային հեռուստատեսությանը տված հարցազրույցում ասել է ՀՀ Անվտանգության խորհրդի քարտուղար Արմեն Գրիգորյանը։
Խոսելով օրակարգի հնարավոր բաղադրիչների մասին՝ Գրիգորյանը նշել է. «Օրինակ՝ Կարս-Գյումրի երկաթուղու հնարավոր բացումը Հայաստանի և Թուրքիայի համար մեծ հնարավորություններ է ստեղծում, և դա նաև տնտեսապես փոխկախվածություն է ստեղծում ՀՀ-ի և Թուրքիայի միջև, ինչն անվտանգության կարևոր գործոն է»։
Թուրքիայի նախագահ Էրդողանը հայտարարել էր, որ եթե Հայաստանն ուզում է հայ-թուրքական սահմանի բացում, ապա պետք է միջանցքներ տրամադրի։ Հարցին՝ Հայաստանն այդ նախապայմանը կատարե՞լ է, ԱԽ քարտուղարն արձագանքել է. «Մենք բազմիցս հայտարարել ենք, որ միջանցքի մասին ցանկացած քննարկում մեզ համար «կարմիր գիծ» է։ Հայաստանը երբեք չի քննարկել, չի քննարկում և չի քննարկելու միջանցքի վերաբերյալ որևէ հարց։ Եթե միջանցքներ ասելով Թուրքիան նկատի ունի Հայաստանի ճանապարհները որպես ՀՀ սուվերեն տարածք օգտագործելը, ապա մեր մոտեցումները համընկնում են»։
Պաշտոնյան հավելել է, որ պետք է նստել սեղանի շուրջ և քննարկել բոլոր հարցերը։
Մերի Մարտիրոսյան
