Տնտեսագետ Բագատ Ասատրյանն այն համոզմանն է, որ Սերժ Սարգսյանի և Կարեն Կարապետյանի կառավարման տարիներին չլուծվեցին այն խնդիրները, որոնք տաս տարի շարունակ մատնանշվել են․ «Իբրև կերպար, եթե գնահատենք գնացող անձին, ապա պետք է ասենք, որ բախտ չունեցող անձ է։ Աղքատության մակարդակի աճ երկու տոկոսով, սոցիալական բևեռացում․ այս շարքը կարելի է շարունակել և բերել այս իշխանության անհաջողությունների շղթան։ Ցավո՛ք, մատնանշած շատ ցուցանիշներ մինչև օրս կատարված չեն»,-ասաց Բագրատյանն՝ ընդգծելով, որ այս ամենում մի դրական բան կա, որ այդ անձը հեռանում է, ցավոք՝ Հայաստանին ոչ մի բան չտված։
«Հայաստանը վերածեցին Պաղեստինի՝ աշխարհից կտրված»,-ասաց նա։
Վերջինս հույս հայտնեց, որ այս մարդկանց խումբը կփորձի վերագնահատել, քանի որ այս ճանապարհը տանում է քայքայման։
Խոսելով արձանագրված դրական արդյունքների մասին՝ տնտեսագետը առանձնացրեց արտահանման ծավալների աճն ու արդյունաբերության մեջ ինչ-ինչ դրական տեղաշարժերը՝ կարևորելով Հայաստան-ԵՄ համաձայնագրի ստորագրումը։
Ամբողջությամբ՝ տեսանյութում
