17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Դիլիջանում ոստիկաններն ապօրինի թմրաշրջանառության դեպք են բացահայտել
Հասարակություն
04.12.2021 | 10:03
Ոստիկանության Դիլիջանի բաժնի համայնքային ոստիկաններն ու ՊՊԾ դասակի ծառայողները դեկտեմբերի 1-ի գիշերային շրջայցի ժամանակ քաղաքի օղակաձև խաչմերուկից, թմրանյութ պահելու և օգտագործելու կասկածանքով, բաժին բերման են ենթարկել Վանաձոր քաղաքի 24-ամյա մի բնակչի։
Նրա անձնական խուզարկությամբ հայտնաբերվել են մարիխուանայի նմանվող զանգվածներ՝ կպչուն ժապավենով փաթեթավորված։ Ըստ 24-ամյա երիտասարդի՝ հայտնաբերվածը մարիխուանա է։ Նշանակվել են փորձաքննություններ: Հանգամանքները քննությամբ պարզվում են։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
