Ե՞րբ կշահագործվեն 211 նոր ավտոբուսները. Երևանի տրանսպորտի խնդիրը դեռ հեռու է լիարժեք լուծումից․ ՏԵՍԱՆՅՈՒԹ

Լուրեր

19.11.2024 | 21:22
Մեկնարկել է Միրզոյանի և Անալենա Բերբոքի հանդիպումը
19.11.2024 | 21:03
Չեմ կարծում, որ «Զանգեզուրի միջանցքը» կարող է հանգեցնել նոր պատերազմի. Ալիևի ներկայացուցիչ
19.11.2024 | 20:50
Մրցաշար`առանց ուժեղագույն մարզիկների. ով և ինչու է այդպես որոշել. ՏԵՍԱՆՅՈՒԹ
19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
19.11.2024 | 20:12
Ռազմական սպորտի միջազգային խորհրդի ղեկավար կազմը այցելել է Հայոց ցեղասպանության զոհերի հուշահամալիր
19.11.2024 | 20:00
Վարչապետը խնդիր է դրել՝ պատժել կոռուպցիոներներին, հետ բերել ապօրինի գույքը, համակարգերն են անբավարար աշխատել․ Վահագն Ալեքսանյան. ՏԵՍԱՆՅՈՒԹ
19.11.2024 | 19:44
Կանանց դերը խաղաղության և անվտանգության ոլորտում պետք է առավել մեծանա Հայաստանում
19.11.2024 | 19:44
Ադրբեջանը «կարևոր և արդյունավետ դիրք» է զբաղեցնում․ իրանցի և ադրբեջանցի բարձրաստիճան զինվորականները ռազմական համագործակցության հարցեր են քննարկել
19.11.2024 | 19:29
Մոլդովայի ոստիկանությունը հայտնել է Քիշնևում ԱԹՍ-ի ընկնելու մասին
19.11.2024 | 19:15
Ափսոսում եմ, որ Արգիշտի Քյարամյանը հեռացվեց․ շատ լավ կլինի՝ ԱԱԾ պետ նշանակվի․ Դանիել Իոաննիսյան․ ՏԵՍԱՆՅՈՒԹ
19.11.2024 | 19:05
Պարոն Պետոյան, ակնկալում եմ, որ մարդ պետք է ազատվի աշխատանքից․ Ավինյան. ՏԵՍԱՆՅՈՒԹ
19.11.2024 | 18:52
Այլ ելույթներ՝ գաղջից, կսկիծից ու ցասումից չկա՞ն․ Ավինյանը կատակեց․ ՏԵՍԱՆՅՈՒԹ
19.11.2024 | 18:41
ԵԽ մարդու իրավունքների հանձնակատարն Ալիևին կոչ է արել ազատ արձակել իրավապաշտպաններին, լրագրողներին և քաղակտիվիստներին
19.11.2024 | 18:32
Երևանաբնակ 100-ամյա տարեցները 1-ական մլն դրամ կստանան․ ՏԵՍԱՆՅՈՒԹ
19.11.2024 | 18:23
Պարոն Իսկանդարյան, «калькулятор»-ը հանեք, հաշվենք․ Ավինյանը տրանսպորտի վճարների մուտքերն է հաշվում․ ՏԵՍԱՆՅՈՒԹ
Բոլորը

Արդեն ավելի քան 1 ամիս է՝ Երևանում են քաղաքապետարանի գնած նոր 211 ավտուբուսները։ Այս խմբաքանակը, սակայն, ամբողջովին չի լուծի մայրաքաղաքի տրանսպորտի խնդիրը․ ըստ քաղաքապետի տեղակալ Հրաչյա Սարգսյանի՝ դրանք այն փոքր մասն են, որոնք պարզապես կբարելավեն առկա իրավիճակը։

«Եթե սպասում ենք, որ նոր 211 ավտոբուսները մուտք են գործելու երթուղային ցանց և խնդիրները լուծվելու են, ապա այդպես չէ: Ես խնդրում եմ, որ մեր քաղաքացիներն այդ ակնկալիքները չունենան»,- նշում է Երևանի քաղաքապետի տեղակալ Հրաչյա Սարգսյանը:

Մինչ այս, հանրային տրանսպորտի այդպես էլ չլուծվող խնդիրների մասին բարձրաձայնել էր Երևանի ավագանու «Իմ քայլը» խմբակցության անդամ Լևոն Զաքարյանը․ «Ներկա շրջանում քաղաքացիներից եկող ամենամեծ բողոքը, որը ես կիսում եմ, վերաբերում է տրանսպորտին. լավ կլինի, որ ավելի հաճախակի աշխատեն»։

Քաղաքապետի տեղակալը սա կապում է չկանոնակարգված երթևեկության և խցանումների հետ։ Ըստ նրա՝ խնդիրը կարող է լուծվել միայն պատշաճ վերահսկողության դեպքում։

«Իրազեկ և պաշտպանված սպառող» ՀԿ նախագահ Բաբկեն Պիպոյանն ընդգծում է՝ նոր ավտուբուսներով տրանսպորտի խնդիրը կլուծվի չնչին տոկոսով։ Նա լիարժեք լուծումը տեսնում է երթուղային ցանցի փոփոխության մեջ։

«Մեզ մոտ ախտորոշված էր, որ ցանցը պիտի փոխենք, փող էինք վճարել, որ մեզ համար ցանց գծեին, որ խորհուրդ տային, թե ինչ շարժակազմեր առնենք, և մենք գնացել, գնել ենք խորհրդից դուրս բաներ»,- նկատում է Բաբկեն Պիպոյանը:

Նա նաև հիշեցնում է՝ դեռ տարիներ առաջ էր խոսվում, որ մի քանի տարվա ընթացքում կունենանք երթուղային նոր ցանց․ տարիներն անցել են, բայց նոր ցանց այդպես էլ չունենք։

Քաղաքապետի տեղակալը խոստովանում է՝ միայն տրանսպորտի խնդիրը չէ, որ անհանգստացնող է․ վարորդների հետ կապված խնդիրներ ևս կան։

«Խնդիրները տարբեր են. շատ դեպքերում շարժական տրանսպորտային միջոցները մաշված են լինում, վթարվում են կամ վարորդ չի լինում, օրինակ՝ վարորդները քովիդով էին հիվանդացել, և ավտոբուսները չէինք կարողանում շահագործել»,- նշում է Սարգսյանը:

Երթուղայինների մաշված լինելու փաստն ապացուցող բազմաթիվ օրինակներ կան․ երթևեկության ընթացքում պոկվում է «Գազել»-ի դուռը և այդպես շարունակում երթևեկությունը, իսկ վարորդների հետ կապված խնդիրներից առավել ուշագրավ են վարելիս ծխելն ու հեռախոսով զրուցելը:

Մի քանի տարի առաջ վարորդներից մեկը երթևեկելիս ծխելու և ծխախոտը հանգցնել պահանջող քաղաքացու հետ վիճելու համար աշխատանքից հեռացվել էր․ հիմա, սակայն, այս մեխանիզմը չի գործի․ քաղաքապետարանից ասում են՝ նման խնդրի առկայության դեպքում, եթե ուղևորների կողմից ահազանգեր լինեն, ապա վարորդների նկատմամբ վարչական մեխանիզմներ կկիրառվեն, բայց աշխատանքից չեն հեռացվի:

Նոր ավտոբուսներում վարորդների համար յուրահատուկ պայմաններ են գործում․ նրանք կաշխատեն առանձնացված խցիկում, բացի այդ՝ յուրաքանչյուր ավտոբուսում 6 տեսախցիկ է տեղադրված։

Քաղաքապետարանից մեզ տեղեկացրին, որ վարորդներն աշխատանքի են անցնում հարցազրույցի միջոցով, և այդ գործընթացը դեռ շարունակվում է։ Թե երբ 211 ավտոբուսները դուրս կգան երթուղի, դեռևս պարզ չէ։ Քաղաքապետարանում ևս այս հարցի պատասխանը չունեն, մինչդեռ քաղաքապետն էր նոյեմբերի 27-ին հայտնել, որ մի քանի օրից դրանք Երևանի փողոցներ դուրս կգան։ Նաև պարզ չէ՝ ավտոբուսները շահագործման կհանձնվեն ամբողջությա՞մբ, թե՞ մաս-մաս։ Հաստատ է միայն, որ ավտոբուսները կփոխարինեն «Գազել»-ներին։ Կառավարությունը ևս 100 հատ 12 մետրանոց ավտոբուս ձեռք կբերի։

Մանրամասները` տեսանյութում:

Արփի Հակոբյան