12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
«էս մի ճամփորդին ճամփելուց հետո նոր ելեք կռվեք իրար դեմ»․ Լևոն Բարսեղյանը ընդդիմությանը միավորվելու կոչ արեց. ՏԵՍԱՆՅՈՒԹ
Քաղաքականություն
09.04.2018 | 14:40
«Սերժ Սարգսյանի երազանքն է, որ քուն մտնեն Ազգային ժողովի բոլոր պատգամավորները և աչքերը բացեն այն պահին, երբ վարչապետի թեկնածուի քվեարկությունն է»,- այսօր լրագրողների հետ հանդիպմանն ասաց Գյումրու Ժուռնալիստների «Ասպարեզ» ակումբի նախագահ Լևոն Բարսեղյանը։
Նա ընդդիմությանը միավորվելու կոչ արեց․ «Էս մի ճամփորդին ճամփելուց հետո, հելեք կռվեք իրար հետ։ Հիմա այն պահն է, երբ օրհասը շարունակելու, արհավիրքների հերթական սերիա բացելու ճանապարհ է մտնում Սերժ Սարգսյանը։ Ընդդիմությունը ուծացվել է, թուլացվել է, բայց հասկացանք, մնացածը, ովքեր համարում են, որ սա արհավիրք է պիտի մի սեղանի շուրջ նստեն։ Հավաքվեք, փակ խոսեք, բաց խոսեք, գծագիրը գծեք դուրս գանք էս փոսից, մենք էլ ձեզ օգնական»,- ասաց նա։
Բարսեղյանը հույս հայտնեց, որ «Լուսավոր Հայաստան» և «Հանրապետություն» կուսակցությունների առաջնորդներն իրենց որոշումները կվերանայեն․ «Դուրս գան իրենց մարդկանցով, կամ իրենց լուծումներն առաջարկեն։ Ելեք և հասկացրեք այդ մարդուն, որ քո վերադարձը լրացուցիչ աղետ է»,- նշեց բանախոսը։
Մանրամասները՝ տեսանյութում։
