06.12.2025 | 18:07
Մեծ հավանականությամբ կմասնակցեմ. Քոչարյանը՝ առաջիկա ընտրությունների մասին
Մեր քաղաքական ուժին չեն գոհացնում դատաիրավական ոլորտի բարեփոխումները. Արուսյակ Ջուլհակյան. ՏԵՍԱՆՅՈՒԹ
Քաղաքականություն
02.12.2021 | 17:41
Դատական համակարգի բարեփոխումները չեն գոհացնում մեր քաղաքական ուժին, չեն գոհացնում նաև հանրությանը: Այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Արուսյակ Ջուլհակյանը:
«Բազմիցս խոսել ենք այն խոչընդոտների և խնդիրների մասին, որոնց մենք հանդիպում ենք դատական համակարգում բարեփոխումներ իրականացնելիս: Նախևառաջ խորքային վեթինգի իրականացմանը խոչընդոտում են սահմանադրական կարգավորումները: Քանի դեռ չունենք փոփոխված Սահմանադրություն և Սահմանադրությամբ ամրագրված համապատասխան կարգավորումներ, չենք կարող ունենալ խորքային բարեփոխումներ»,- նշեց պատգամավորը:
Նա նաև հավելեց, որ ոչ մի ինստիտուտ զերծ չի մնացել կոռումպացվածությունից: «Ստացվում է, որ դատաիրավական համակարգում բարեփոխումների իրականացման ճանապարհին բախվում ենք լրջագույն խնդիրների՝ նաև կրթական համակարգի փչացածության պատճառով, չենք կարողանում գտնել որակյալ կադրեր»:
Մանրամասները՝ տեսանյութում:
