22.11.2024 | 16:50
Ավինյանն ու Մարությանը կբանավիճեն Factor TV-ի եթերում
Պենտագոնի ղեկավարը ՌԴ-ին կոչ է արել «իջեցնել ջերմաստիճանը» Ուկրաինայի հետ սահմանին
Քաղաքականություն
02.12.2021 | 15:48
ԱՄՆ Պենտագոնի ղեկավար Լլոյդ Օսթինը մեկնաբանել է Ուկրաինայի հետ սահմանի մոտ ռուսական զորքերի կուտակման մասին տեղեկությունը։ Նա Ռուսաստանի նախագահ Վլադիմիր Պուտինին կոչ է արել «ավելի բաց» լինել և «իջեցնել ջերմաստիճանը տարածաշրջանում»։
«Մենք հուսով ենք, որ Պուտինն ավելի բաց կլինի, և նրանք կաշխատեն հարցերն ու խնդիրները լուծելու և տարածաշրջանում ջերմաստիճանը նվազեցնելու ուղղությամբ»,- հայտարարել է Օսթինը իր հարավկորեացի գործընկեր Սեո Վուկի հետ Սեուլում կայացած մամուլի ասուլիսի ժամանակ։
Նա նաև հայտարարել է, որ ԱՄՆ-ն անհանգստացած է «Ուկրաինայի հետ սահմանին ռուսական զորքերի ներկայությամբ»։
Լրատվամիջոցներում Ուկրաինայի վրա ՌԴ-ի հնարավոր հարձակման մասին տեղեկությունները սկսեցին հայտնվել նոյեմբերին։ Վլադիմիր Պուտինը, մեկնաբանելով այս հրապարակումները, հայտարարել էր, որ Ռուսաստանը ոչ թե հարձակվում է, այլ ստիպված է պատասխանել ՆԱՏՕ-ի մշտական մոտեցմանը երկրի սահմաններին։ Վաշինգտոնը խոստացել է կիրառել «բարձր արդյունավետության տնտեսական պատժամիջոցներ» ռուսական ներխուժման դեպքում։
Տաթև Ֆռանգյան
