05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Ինչու են բերման ենթարկվել Քաղաքացիական պայմանագրի անդամները. մանրամասնում է ՔՊ վարչության փոխնախագահը՝ Արաբկիրի ոստիկանության բաժանմունքի դիմացից
08.04.2018 | 00:07
Ապրիլի 7-ին ուշ երեկոյան՝ ժամը 23.00-ի միջակայքում, բերման են ենթարկվել Քաղաքացիական պամանագիր կուսակցության երկու անդամներ: Factor.am-ի հետ զրույցում կուսակցության վարչության փոխնախագահ Սուրեն Պապիկյանը հայտնեց, որ բերման են ենթարկվել ՔՊ անդամներ Նորայր Հայրապետյանը եւ Մեսրոպ Պապիկյանը: Նրանք, ըստ ՔՊ վարչության փոխնախագահի, իրականացրել են իրազեկման աշխատանքներ, բաժանել են թռուցիկներ Արաբկիր վարչական շրջանում:
«Զանգեցին տղաները, ասացին, որ 20 հոգով շրջապատել են, տանում են Ոստիկանություն: Մենք մոտեցել ենք, առայժմ գիտենք այսքանը: Ոստիկանության բաժանմունքում է մեր փաստաբանը՝ Նիկոլայ Բաղդասարյանը: Առաջիկայում կիմանանք, թե ինչ խնդրով են տղաներին բերման ենթարկել»,- ասաց Պապիկյանը: Նրա համոզմամբ՝ տղաները ոչ մի ապօրինի բան չեն արել, պարզապես իշխանությունները տեսնում են, որ բողոքի ալիքը աճում է, եւ այդպիսով փորձում են վախեցնել:
00.35.
Բերման ենթարկվելուց շուրջ երկու ժամ անց ՔՊ անդամները ազատ են արձակվել:
Մանրամասները՝ տեսանյութում
