19.12.2025 | 18:21
Ադրբեջանական բենզինը Հայաստան հասավ // ՌԴ-ն և Ուկրաինան զոհվածների մարմիններ են փոխանակել․ ԼՈՒՐԵՐ
Ադրբեջանում ռազմական ուղղաթիռի կործանման հետևանքով 14 սպա է զոհվել, այդ թվում՝ գնդապետ․ լրատվամիջոցներ
Քաղաքականություն
30.11.2021 | 15:15
Ադրբեջանական տարբեր լրատվամիջոցներ տեղեկություններ են հաղորդում, որ այսօր տեղի ունեցած ռազմական ուղղաթիռի կործանման հետևանքով զոհվել է 14 զինվորական։ Azadliq Qezeti-ն հայտնում է, որ ուղղաթիռում եղել է 18 մարդ, որոնցից 14-ը զոհվել է, 4-ը գտնվում է ծանր վիճակում։
Հրապարակվել են նաև 14 զոհերի անունները, որոնց թվում են գնդապետ Ֆիզուլի Ջավադովը, փոխգնդապետ Էմիլ Հասանովը, նշվում է նաև 5 մայորի, 3 կապիտանի, 3 ավագ լեյտենանտի և մեկ տեխնիկական աշխատակցի անուն։
Ադրբեջանի Պաշտպանության նախարարությունը դեռևս պաշտոնական տեղեկություն զոհերի ու վիրավորների թվի մասին չի հայտնել։
Հիշեցնենք, որ այսօր Խիզի շրջանի «Գարահեյբաթ» ավիացիոն զորավարժարանում ուսումնական թռիչք իրականացնելիս կործանվել է Ադրբեջանի Պետական սահմանապահ ծառայության ուղղաթիռը։
Էմմա Չոբանյան
