Բարբադոսը պաշտոնապես դարձել է անկախ պետության

Բարբադոսը՝ Կարիբյան ծովում կղզի պետությունը, որը պաշտոնապես դեռևս ղեկավարում էր Մեծ Բրիտանիայի թագուհի Եղիսաբեթ 2-րդը, պաշտոնապես դարձավ հանրապետություն: Գեներալ-նահանգապետի պաշտոնը զբաղեցնող Սանդրա Մեյսոնը նոյեմբերի 30-ին ստանձնել է երկրի նախագահի պաշտոնը, գրում է DW-ի ռուսական ծառայությունը:

Միջոցառմանը մասնակցել է Ուելսի արքայազն Չարլզը՝ թագուհու պաշտոնական ներկայացուցիչը։

Մայրաքաղաք Բրիջթաունում տեղի ունեցած արարողության ժամանակ բարձրացվել է թագավորական խորհրդանիշը, իսկ տեղական ժամանակով կեսգիշերին Մեյսոնը երդվել է որպես պետության նոր ղեկավար։ Նախկին գեներալ-նահանգապետը  Մեծ Բրիտանիայի թագուհուն երկրի ղեկավար ճանաչելու պաշտոնական մերժման մասին հայտարարել էր 2020 թվականի սեպտեմբերին։

«Ժամանակն է ամբողջությամբ թողնել մեր գաղութային անցյալը»,- հայտարարել է նա:

Նշենք, որ երկրի Սահմանադրությունը նման հնարավորություն ընձեռում էր:

Նախկին գաղութն անկախություն է ձեռք բերել Մեծ Բրիտանիայից 1966 թվականին, սակայն թագուհին պաշտոնապես մնում էր պետության ղեկավարը։ Բարբադոսի բնակչությունը կազմում է մոտ 300 հազար մարդ, մինչդեռ շատ բնակիչներ ստրուկների ժառանգներ են, որոնք Աֆրիկայից Կարիբյան ավազան են բերվել Բրիտանական կայսրության հպատակների կողմից։ Ներկայիս քայլը նրանց համար իրականում նշանակում է խզում գաղութային ժառանգությունից։

Մեծ Բրիտանիայի 95-ամյա թագուհի Եղիսաբեթ 2-րդը շարունակում է մնալ պետության պաշտոնական ղեկավար 15 երկրներում, այդ թվում՝ Կանադայում և Ավստրալիայում։ Փորձագետների կարծիքով՝ նրա մահը կարող է դրդել նրանցից շատերին՝ հրաժարվել ստատուս քվոյից:

Տաթև Ֆռանգյան