07.11.2024 | 20:07
Փաշինյանն ու Ռումեն Ռադևը քննարկել են Հայաստան-Բուլղարիա փոխգործակցությանը վերաբերող հարցեր
Պուտինը Փաշինյանի և Ալիևի հետ հանդիպումից հետո ԱԽ նիստ կանցկացնի
Քաղաքականություն
26.11.2021 | 17:15
ՌԴ նախագահ Վլադիմիր Պուտինը երկրի Անվտանգության խորհրդի մշտական անդամների հետ օպերատիվ խորհրդակցություն է անցկացնելու։ ՏԱՍՍ-ի փոխանցմամբ՝ այս մասին լրագրողներին հայտնել է Պուտինի մամուլի խոսնակ Դմիտրի Պեսկովը։
«Արդեն երեկոյան, մեր հայ ու ադրբեջանցի ընկերների հետ երկխոսության ավարտից հետո, նախագահ Պուտինը մտադիր է հանդիպում անցկացնել Անվտանգության խորհրդի մշտական անդամների հետ»,- ասել է նա։
Հիշեցնենք՝ այսօր Սոչիում նախատեսվում է ՌԴ նախագահ Վլադիմիր Պուտինի, Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի եռակողմ հանդիպումը։ Պուտինն արդեն երկկողմ բանակցություններ է անցկացրել Ալիևի հետ։ Նախատեսվում է երկկողմ հանդիպում նաև Նիկոլ Փաշինյանի հետ։
Էմմա Չոբանյան
