27.11.2024 | 10:33
Արմավիրի համայնքային ոստիկանները թմրանյութ պահելու և օգտագործելու դեպքեր են բացահայտել
Չինաստանն աջակցում է ՌԴ-ի դիրքորոշմանը՝ ԱՄՆ նախագահի «Հանուն ժողովրդավարության» գագաթնաժողովի հետ կապված
Քաղաքականություն
26.11.2021 | 16:53
Չինաստանի իշխանություններն աջակցում են Ռուսաստանի դիրքորոշմանը՝ ԱՄՆ-ի կողմից ժողովրդավարական արժեքների հասկացության շահարկման հետ կապված։ Այս մասին հայտարարել է Չինաստանի ԱԳՆ պաշտոնական ներկայացուցիչ Չժաո Լիցյանը՝ մեկնաբանելով ԱՄՆ նախագահի նախաձեռնած «Հանուն ժողովրդավարության» գագաթնաժողովը, գրում է ՏԱՍՍ գործակալությունը։
«Մենք գտնում ենք, որ ՌԴ նախագահ Դմիտրի Պեսկովի խոսնակի վերջին հայտարարությունները ԱՄՆ-ի «Հանուն ժողովրդավարության» գագաթնաժողովի մասին լիովին ճիշտ են։ Սա Վաշինգտոնի փորձն է՝ նոր բաժանարար գծեր անցկացնել, որը սպառնում է ակտիվացնել գաղափարական առճակատումը։ Ի՞նչ իրավունք ունի ԱՄՆ-ն իրեն հռչակել ժողովրդավարության օրինակ»,- հայտարարել է Չինաստանի ԱԳՆ ներկայացուցիչը։
Նա նշել է, որ «Վաշինգտոնը խեղաթյուրում է ժողովրդավարություն հասկացությունը»։
Հիշեցնենք, որ ՌԴ նախագահի խոսնակ Դմիտրի Պեսկովը դեկտեմբերին կայանալիք «Հանուն ժողովրդավարության» գագաթնաժողովն անվանել էր ԱՄՆ-ի կողմից նոր բաժանարար գծեր ստեղծելու փորձ՝ ընդգծելով, որ Ռուսաստանը դրան բացասաբար է վերաբերվում։
Դեկտեմբերի 9-10-ը, ԱՄՆ նախագահ Ջո Բայդենի նախաձեռնությամբ, անցկացվելու է «Հանուն ժողովրդավարության» առցանց գագաթնաժողով, որին մասնակցելու հրավեր է ստացել 110 երկիր, այդ թվում՝ Հայաստանը։ ՌԴ-ն, Չինաստանը, Թուրքիան ու Ադրբեջանը չեն հրավիրվել գագաթնաժողովին։
Էմմա Չոբանյան
