08.06.2026 | 22:11
Հայաստանի ժողովուրդը քվեարկել է հանուն խաղաղության. ԵԽ նախագահը և Փաշինյանը հեռախոսազրույց են ունեցել
Գերմանիայում 19-րդ օրն անընդմեջ կորոնավիրուսով վարակման նոր հակառեկորդ է գրանցվում
Քաղաքականություն
26.11.2021 | 18:54
Գերմանիայում SARS-CoV-2 կորոնավիրուսի տարածման ցուցանիշն 19-րդ օրն անընդմեջ աճում է և հասել է նոր առավելագույնի՝ 438,2՝ 100․000 մարդու հաշվարկով։ Այս մասին հայտնել է Ռոբերտ Կոխի անվան համալսարանը (RKI)։
Հինգշաբթի վիրուսով վարակման ցուցանիշը կազմել էր 419,7, մեկ շաբաթ առաջ այս ցուցանիշը եղել է 340,7, հայտնում է DW-ի ռուսական ծառայությունը։
100․000 բնակչի հաշվարկով կորոնավիրուսով վարակվածների թիվը կարևոր ցուցանիշ է։ Նոյեմբերի 8-ին Գերմանիայում այս ցուցանիշը գերազանցել է 200-ի շեմը՝ այդպիսով գերազանցելով 2020 թվականի դեկտեմբերին համաճարակի սկզբից ի վեր գրանցված առավելագույն ցուցանիշը (197,6): Այդ ժամանակից ի վեր ամեն օր Գերմանիայում վարակակիրների թվի նոր հակառեկորդ է գրանցվում։
RKI-ի տվյալների համաձայն՝ վերջին 24 ժամվա ընթացքում ողջ երկրում գրանցվել է կորոնավիրուսի 76․414 նոր դեպք, սա նաև ողջ համաճարակի ընթցքում գրանցված առավելագույն ցուցանիշն է։
Համաճարակի սկզբից ի վեր Գերմանիայում կորոնավիրուսով վարակվել է 5․650․170 մարդ։
Տաթև Ֆռանգյան
