19.12.2025 | 22:34
Դավիթ Խուդաթյանն ու Համաշխարհային բանկի նոր ղեկավարը ձեռք են բերել մի շարք պայմանավորվածություններ
ԼՂ հիմնախնդրի կարգավորման վերաբերյալ ՀՀ-ԵՄ համաձայնագրի սկզբունքները չեն փոխվել․ ԱԳՆ ներկայացուցիչ․ ՏԵՍԱՆՅՈՒԹ
Քաղաքականություն
25.11.2021 | 15:55
Այս փաստաթուղթը մենք գնահատում ենք որպես ՀՀ-ԵՄ փոխհարաբերությունների սահմանադրություն, այսինքն՝ հիմնարար փաստաթուղթ, որը համակարգում է մեր հարաբերությունները: Այս մասին ԵՄ – Հայաստան Համապարփակ և ընդլայնված համագործակցության համաձայնագրի կատարման ընթացքի գնահատման և վերլուծման համար կազմակերպված հերթական հանդիպման ժամանակ նշեց ՀՀ արտգործնախարարության Եվրոպայի վարչության պետ Տիգրան Սամվելյանը:
«ԼՂ հիմնախնդրի կարգավորման վերաբերյալ ՀՀ-ԵՄ համաձայնագրի սկզբունքները չեն փոխվել,- վստահեցրեց ԱԳՆ ներկայացուցիչը՝ հավելելով, որ ցանկացած փաստաթուղթ ենթակա է փոփոխման՝ կողմերի համաձայնությամբ:
«Հակամարտությունը պետք է կարգավորվի համապատասխան փաստաթղթերի հիման վրա, որոնց հղում է կատարվել, և պետք է պահպանվեն 3 հիմնական սկզբունքները՝ ուժի կիրառման բացառում, տարածքային ամբողջականության և ինքնորոշման իրավունքի կիրառում: Այլ հարց է, որ փաստաթղթի վերանայման անհրաժեշտություն լինի՝ կոնֆլիկտի կարգավորման տրամաբանությունից ելնելով»,- նշեց Սամվելյանը:
Մանրամասները՝ տեսանյութում:
