06.10.2026 | 21:03
24 ժամ ջուր չի լինի Դիլիջանի մի շարք հասցեներում
Բադեն-Բադենում միայն կազինոներ չեն, դա առողջարանային քաղաք է. Ամրամ Մակինյան․ ՏԵՍԱՆՅՈՒԹ
Հասարակություն
24.11.2021 | 13:05
Երևանի ընդհանուր իրավասության դատարանում՝ դատավոր Սերգեյ Սահակյանի նախագահությամբ ընթացավ ՀՀ երրորդ նախագահ Սերժ Սարգսյանն ընդդեմ իշխանական պատգամավոր Խաչատուր Սուքիասյանի գործով դատական նիստը։
Նիստից հետո լրագրողների հետ զրույցում Սարգսյանի ներկայացուցիչ Ամրամ Մակինյանն անդրադարձավ հարցին, թե վստա՞հ է, որ Խաչատուր Սուքիասյանը ճիշտ տեղեկություններ չի հայտնել՝ նշելով, թե բոլորը գիտեն, որ ՀՀ երրորդ նախագահը 100 միլիոն դոլարից ավել կազինոներում կրվել է Բադենն – Բադենում: Նա նշեց, որ պատահաբար չէ, որ Սուքիասյանի ներկայացուցչին հարց է ուղղել, թե պատրաստվո՞ւմ են դա ապացուցել: «Այդպիսի բան հասատատ չի կարող լինել, այդպիսի ապացույցներ հաստատ չեն կարող ներկայացնել մի պարզ պատճառով՝ այդ տեղեկությունն իրականությանը չի համապատասխանում»:
«ՀՀ երրորդ նախագահը երբեք չի հերքել Բադեն-Բադեն գնալու մասին տեղեկությունները: Բադեն-Բադենում միայն կազինոներ չեն, դա առողջարանային քաղաք է»,- ընդգծեց Մակինյանը:
Մանրամասները՝ տեսանյութում:
