14.09.2026 | 14:56
Սուրենյանցի «Լքյալը» ստեղծումից 130 տարի անց առաջին անգամ կցուցադրվի Հայաստանում
Ադրբեջանի ՊՆ ղեկավարը թուրքական ASELSAN-ի ղեկավարի հետ ռազմական համագործակցության հարցեր է քննարկել
Քաղաքականություն
23.11.2021 | 17:44
Ադրբեջանի պաշտպանության նախարար Զաքիր Հասանովն ընդունել է թուրքական ASELSAN պաշտպանական ընկերության նախագահ Հալուք Գերգյունի գլխավորած պատվիրակությանը, հաղորդում են ադրբեջանական լրատվամիջոցները։
Հանդիպման ժամանակ Հասանովը, մասնավորապես, մատնանշել է Ադրբեջանի և Թուրքիայի միջև ռազմական ու ռազմատեխնիկական համագործակցության ոլորտում դրական քայլերը։ Նա նաև բարձր է գնահատել ASELSAN ընկերության տեխնիկական սարքավորումների որակը, որն ադրբեջանական բանակն օգտագործել է Արցախյան 44-օրյա պատերազմում հայկական ուժերի դեմ։
«Հանդիպմանը կողմերը քննարկել են ժամանակակից ռազմական գործողություննեերի նոր մեթոդները, ինչպես նաև Ադրբեջանի և Թուրքիայի կողմից իրագործվող համատեղ ծրագրերը՝ ուղղված ադրբեջանական բանակի տեխնիկական հագեցվածության հետագա ամրապնդմանը»,- ասվում է հաղոդագրության մեջ։
Հասանովն ու Գերգյունը ընդգծել են Ադրբեջանի ԶՈՒ-ի զարգացման կարևորությունը՝ որպես պրոֆեսիոնալ բանակ՝ հագեցած ամենաժամանակակից զինատեսակներով ու ռազմական տեխնիկայով, այդ թվում՝ առաջատար տեղեկատվական տեխնոլոգիաներով, զարգացած կապի համակարգերով, որոնք ապահովում են զորքերի օպերատիվ կառավարումը, բարձրացնում նրանց մարտունակությունն ու մանևրելու ունակությունը։
Էմմա Չոբանյան
