11.02.2026 | 22:09
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
Քանի դեռ պատերազմը շարունակվում է, այդ ընթացքում ամեն ինչ հնարավոր է. Լուսինե Բադալյան․ ՏԵՍԱՆՅՈՒԹ
Քաղաքականություն
23.11.2021 | 17:33
«Այն ժամանակ բոլորի նյարդերը պրկված էին, բայց նոյեմբերի 9-ից հետո Նիկոլ Փաշինյանի պահվածքի և վերաբերմունքի մեջ մեծ փոփոխություն կա: Ես տեսնում եմ այդ հանգստությունը և խորագիտությունը, որով նա փորձում է հարցեր լուծել, և շատ վաղուղ որևիցե ավելորդ արտահայտություն չի արել»,- Factor.am-ի հետ զրույցում այս մասին նշեց «Քաղաքացիական պայմանագիր» խմբակցության պատգամավոր Լուսինե Բադալյանը՝ անդրադառնալով դիտարկմանը, որ իշխանությունը չի զբաղվում ինքնաքննադատությամբ, Նիկոլ Փաշինյանը հանդես է գալիս հակասական հայտարարություններով:
Սահմանի տարբեր հատվածներում կրակոցներ են, կան զոհեր, թշնամին անցակետեր է տեղադրել, կա անորոշություն, հայտնի չէ՝ ինչ է սպասվում. կա տեղեկատվական բլոկադա: Այս դիտարկմանն ի պատասխան՝ Բադալյանը նշեց, որ այսօր երկրի առաջին դեմքի հետ բաց երկխոսություն է տեղի ունենալու: «Իսկ երբ արգելված տեղեկությունները սպրդում են համացանց, դա վտանգում է մեր անվտանգությունը: Կան բաներ, որոնց մասին ասելու ժամանակը չէ:
Ինչ վերաբերում է սահմանային իրավիճակին և անցակետերի տեղադրմանը, չկա խաղաղության ամրագրման մասին փաստաթուղթ, քանի դեռ չի կնքվել խաղաղության մասին պայմանագիր, պատերազմը շարունակվում է, պատերազմը քանի շարունակվում է, ամեն ինչ հնարավոր է»:
Մանրամասները՝ տեսանյութում:
