07.04.2026 | 12:53
Էլինա Ավանեսյանը դուրս է եկել Մադրիդի մրցաշարի հիմնական փուլ
Երևան-Մեղրի ճանապարհին «Ford»-ը բախվել է ցեմենտատարի կցորդիչին․ վարորդը մահացել է
23.11.2021 | 09:49
Նոյեմբերի 22-ին՝ ժամը 18:42-ին, Արարատի մարզային ճգնաժամային կառավարման կենտրոն ահազանգ է ստացվել, որ Ավշար գյուղի կամրջի մոտակայքում տեղի է ունեցել ՃՏՊ․ կա տուժած․ տեղեկացնում են ՀՀ ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի ավտոճանապարհի 45-րդ կմ-ին «Ford» մակնիշի ավտոմեքենան (վարորդ՝ Հ․ Մ․, ծնված 1967 թ․) բախվել է «KamAZ» մակնիշի ցեմենտատարի (վարորդ՝ Վ․ Թ․) կցորդիչին։
Փրկարարները հոսանքազրկել են «Ford» մակնիշի ավտոմեքենան և վարորդին դուրս են բերել ավտոմեքենայից․ տուժածը հոսպիտալացվել է Արարատ քաղաքի ԲԿ, որտեղ մահացել է։
