06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Կրակոց ապօրինի զենքից. Արարատի ոստիկանների բացահայտումը
Հասարակություն
18.11.2021 | 16:12
Նոյեմբերի 7-ին «Արարատ» բժշկական կենտրոնից ոստիկանության Արարատի բաժին ստացվել է հաղորդում, որ «ստորին վերջույթների հրազենային վերքեր» ախտորոշմամբ բուժօգնության է տեղափոխվել Արարատ քաղաքի բնակիչ, 56-ամյա մի տղամարդ: Մեկնել է օպերատիվ խումբ: Արարատի մարզային վարչության և բաժնի աշխատակիցները, համատեղ իրացնելով օպերատիվ տվյալները, պարզել են, որ ահազանգից րոպեներ առաջ Արարատի Սալակիթների փողոցում ծագած վիճաբանության ժամանակ Ոսկետափ գյուղի բնակիչ, 38-ամյա մի տղամարդ իր մոտ ապօրինի պահվող երկփողանի ողորկափող որսորդական հրացանից մեկ անգամ կրակել է տուժածի վրա, ինչի հետևանքով նա ստացել է վնասվածքներ. տեղեկացնում են ՀՀ ոստիկանությունից։
Հետագա միջոցառումների արդյունքում ահազանգից մոտ մեկ ժամ անց, իր վարած «ՎԱԶ-2121» մակնիշի մեքենայով հանդերձ, կրակողը բերման է ենթարկվել բաժին, որտեղ խոստովանել է արարքը:
Հրացանը հայտնաբերվել և առգրավվել է:
Հարուցվել է քրեական գործ, 38-ամյա ոսկետափցին ձերբակալվել է:
