21.11.2024 | 20:59
Թուրքիան հազարավոր հետաքննություններ է սկսել «ապատեղեկատվության մասին օրենքով»՝ 2 տարվա ընթացքում 33 լրագրողների ազատազրկելով
ՏԱՐԱԿԱՐԾԻՔ. Ռուսական ռազմական ոստիկանության ստորաբաժանումների տեղակայումը Հայաստանում անվտանգության երաշխի՞ք, թե՞ ռուսական ազդեցության մեծացում. ՏԵՍԱՆՅՈՒԹ
Քաղաքականություն
03.04.2018 | 18:31
Ռուսաստանի Հարավային զինվորական օկրուգի լրատվական ծառայությունը օրերս տեղեկացրեց, որ Գյումրու ռուսական 102-րդ ռազմաբազայում և Երևանի զինվորական կայազորում կտեղակայվեն ռուսական ռազմական ոստիկանության ստորաբաժանումներ:
Ըստ տարածած պաշտոնական հաղորդագրության՝ նպատակը ռուսական ռազմաբազայում կարգուկանոն պահպանելն է, ռազմաբազայի օբյեկտների պահպանությունը, ինչպես նաև ճանապարհային երթևեկության անվտանգությանը հետևելը:
Նկատենք, որ նախկինում այս գործառույթն իրականացնում էին առանձին պարեկային խմբեր: Մինչ Հայաստանի պաշտպանության նախարարությունն ու իշխանության ներկայացուցիչներ պնդում են, թե դրանում որևէ արտառոց և մտահոգիչ բան չկա, հասարակական քաղաքական շրջանակների տարբեր ներկայացուցիչներ հայտարարում են, որ ռուսական ռազմական ոստիկանության ստորաբաժանումների տեղակայումը Հայաստանում լի է վտանգներով:
Տեսակետներ են հնչում, որ այդ ստորաբաժանումներն անգամ կարող են Հայաստանի ներքին գործերին միջամտել: Ինչո՞ւ անհրաժեշտություն առաջացավ Հայաստանում ռուսական ռազմական ոստիկանության ստորաբաժանումներ տեղակայել և ինչ հետևանքներ դա կունենա:
Թեմայի շուրջ Factor.am-ը զրուցել է ԱԺ ՀՀկ խմբակցության պատգամավոր Միհրան Հակոբյանի և հանրային գործիչ Դավիթ Սանասարյանի հետ:
