12.12.2025 | 14:41
Մեսիի տրանսֆերային արժեքը նվազել է
Մոլդովական փողոցի համակարգչային խաղերի սրահում ծեծկռտուք է տեղի ունեցել
13.11.2021 | 17:46
Նոյեմբերի 12-ին` ժամը 00.25-ին, ոստիկանության Նոր Նորքի բաժին հաղորդում է ստացվել, որ Մոլդովական փողոցում կռիվ է, և լսվել է կրակոցի ձայն:
Ինչպես տեղեկացրին ՀՀ ոստիկանությունից, դեպքի վայր են մեկնել ոստիկանության օպերատիվ խմբեր և պարեկային ծառայության Երևան քաղաքի գնդի ծառայողներ:
Ոստիկանության Երևան քաղաքի վարչության քրեական հետախուզության և Նոր Նորքի բաժնի ծառայողները համատեղ ձեռնարկած օպերատիվ-հետախուզական միջոցառումների շնորհիվ պարզել են, որ ժամը 00.20-ին համակարգչային խաղերի սրահում մի խումբ երիտասարդներ վիճաբանել են, հարվածներ հասցրել իրար՝ պատճառելով մարմնական վնասվածքներ:
Վնասվածքներ ստացած 4 անձ հրաժարվել է դատաբժշկական փորձաքննությունից: Ձեռնարկվում են միջոցառումներ՝ դեպքի բոլոր մասնակիցների ինքնությունը պարզելու և նրանց հայտնաբերելու ուղղությամբ:
Կատարվում է քննություն։
