Կկրակեմ ոտիցդ, արա՛․ ոստիկանները կանգեցրել են ավտոմեքենան և զենքով սպառնալիքներ հնչեցրել․ ՏԵՍԱՆՅՈՒԹ

Լուրեր

14.05.2025 | 23:17
Վարչապետ Փաշինյանը Բարձր տեխնոլոգիաների ոլորտում համաշխարհային ներդրման համար ՀՀ պետական մրցանակը հանձնել է Յոշիակի Դեյմոն Հագիվարային
14.05.2025 | 23:14
Հաքան Ֆիդանն Ուկրաինայի ԱԳ նախարարի հետ քննարկել է Զելենսկիի՝ Թուրքիա սպասվող այցը
14.05.2025 | 23:05
ՀՀ ԲՏԱ նախարարության հրավերով Հայաստան են ժամանել ֆրանսիական Mistral AI ընկերության ներկայացուցիչները
14.05.2025 | 22:57
Գերմանիայում Ուկրաինայի 3 քաղաքացի է ձերբակալվել՝ ՌԴ-ի հրահանգով դիվերսիաներ ծրագրելու կասկածանքով
14.05.2025 | 22:55
Դռնապանը պնդում է՝ պատմության ուսուցչուհին հարվածել է իրեն. Մերձավանի դպրոցի միջադեպի հակառակ կողմը․ ՏԵՍԱՆՅՈՒԹ
14.05.2025 | 22:45
Գեղարքունիքի մարզպետն ընդունել է ՀՀ-ում Ֆրանսիայի դեսպանին
14.05.2025 | 22:36
Ուրուգվայում ՀՀ դեսպանը համատեղության կարգով նշանակվել է Պարագվայում և Բոլիվիայում դեսպան
14.05.2025 | 22:24
Իրանի ԱԳ նախարարը քննադատել է Թրամփի հակաիրանական հայտարարությունները
14.05.2025 | 22:13
Հայաստանը վերահաստատում է իր ամուր աջակցությունը «Նոր Ժողովրդավարական պակտի» նախաձեռնությանը․ Արարատ Միրզոյան
14.05.2025 | 22:00
Բնակարան՝ Ֆիզիկայի ինստիտուտի բանավանում կառուցված աղմկահարույց շենքում․ ինչ գույք ունի ՔՊ-ական նորընծա պատգամավորը
14.05.2025 | 21:50
«Վրացական երազանքն» օրենք է ընդունել, որն ավելի է դյուրացնում քաղաքական կուսակցությունների արգելումը
14.05.2025 | 21:44
Մակրոնը հայտարարել է, որ Ֆրանսիան չի ցանկանում «Երրորդ համաշխարհային պատերազմ» Ուկրաինայի պատճառով
14.05.2025 | 21:35
Ամերիկյան կողմի հետ քննարկվում են տարածաշրջանում խաղաղության հաստատմանը նպաստող նախաձեռնություններ. ԱԳՆ խոսնակ
14.05.2025 | 21:30
Ուրախ եմ ներկայացնելու Հայաստանի առաջընթացը ՄԱԿ-ի խաղաղապահ ուժերի համար զինվորական անձնակազմի պատրաստման գործում․ Պապիկյան
14.05.2025 | 21:19
Թուրքիայում չեն սպասում Թրամփին մայիսի 15-ին, սակայն չեն բացառում առաջիկա օրերին այցը․ Bloomberg
Բոլորը

Հոկտեմբերի 29-ին Ստեփանավան-Կալինինո ավտոճանապարհին ոստիկանության երկու աշխատակցի և 23-ամյա տղայի միջև միջադեպ է գրանցվել։ Տեղի ունեցածի մասին ահազանգ է ստացել փաստաբան Արա Ղարագյոզյանը․ նրան պատմել են, թե ինչպես են ոստիկանության աշխատակից ներկայացած քաղաքացիական հագուստով անձինք սկզբում մեքենայից ուժով դուրս հրավիրել իրեն և ընկերոջը, ապա սկսել զենքը ձեռքին հայհոյանքներ հնչեցնել իրենց հասցեին, որից հետո՝ հարվածել։

Նկարահանումը, որն իրականացրել է ավտոմեքենայի տեսահսկման խցիկը, հստակ արձանագրել է, թե ինչպես են ոստիկան ներկայացած երկու անձինք առանձին-առանձին հարցուփորձ անում ավտոմեքենայում գտնվողներին՝ ուր են գնում և ինչու, ապա միանգամից սկսում սպառնալ։

Տուժողը փաստաբանին պատմել է, որ իրենց տարել են Ստեփանավանի ոստիկանական բաժանմունք և կես ժամ պահել, ապա առանց որևէ փաստաթուղթ պահանջելու՝ բաց թողել։ Ղարագյոզյանի խոսքով՝ տեղի ունեցածը տղաներին շատ է վախեցրել։

Տեսանյութն արդեն իսկ ուսումնասիրվում է Ոստիկանության կողմից, Factor TV-ին հայտնեց Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը։ Իսկ հանցագործության մասին հաղորդումը դեռ երեկ է ուղարկվել Գլխավոր դատախազություն, սակայն կառույցը դրան արձագանքել է միայն այսօր՝ տեսանյութը համացանցում տեղադրելուց հետո։

«Դեպքի վերաբերյալ ստացված հաղորդման ու տեսանյութի կապակցությամբ հանձնարարվել է նյութեր նախապատրաստել ՀՀ քրեական դատավարության օրենսգրքի 180-181-րդ հոդվածներով՝ ըստ հանցագործությունների մասին հաղորդումների քննարկման և հանցագործությունների մասին հաղորդումների քննարկման արդյունքում ընդունվող որոշումների կարգերով»,- նշեց Էդգար Ջանոյանը:

Պարեկային նոր ծառայության համատեքստում նման միջադեպերը բավականին խնդրահարույց են մնում, այնինչ դեռևս նախորդ տարի մեկնարկած այս բարեփոխումները դրական սպասումներ էին առաջացրել հասարակության մեջ։

Իրավապաշտպան Նինա Կարապետյանցի դիտարկմամբ՝ արտաքինից բարեփոխված Ոստիկանությունը բովանդակային իմաստով չի փոխվել, քանի որ որևէ մեկը պատասխանատվության չի ենթարկվել և համակարգից չի հեռացվել։

Հիշեցնենք՝ հոկտեմբերի 13-ին ոստիկանների կողմից ուժի գործադրման հերթական միջադեպն էր տեղի ունեցել։ Անչափահաս երեք երեխաների աչքի առաջ ոստիկանները քաշքշելով բերման էին ենթարկել տղամարդուն՝ Երևանի Մալաթիա-Սեբաստիա վարչական շրջանում, հերթական ինքնակամ կառույցի ապամոնտաժման ժամանակ։ Տղամարդը դիմադրել էր, ինչի արդյունքում իրավապահ մարմինները փորձել էին աշխատանքն իրականացնել ուժի գործադրմամբ։

Մանրամասները՝ տեսանյութում։

Ռոզա Վարդանյան