13.10.2026 | 10:13
Երևանի ավագանու նիստը՝ ՈՒՂԻՂ
Հայրենիքը ՀՀԿ-ինը չէ, հայ ժողովրդինն է, որը պետք է որոշի՝ Լելե Թեփեի բարձունքը վերադարձնի՞, թե՞ ոչ․ Մովսես Հակոբյան
Քաղաքականություն
02.04.2018 | 14:31
Մովսես Հակոբյանը լրագրողների հետ զրույցում նշեց, որ Լելե-Թեփեի բարձունքը հետ կվերադարձվի, երբ դրա անհրաժեշտությունը լինի։ Լրագրողների այն դիտարկմանը, թե ՀՀԿ-ական պատգամավորները հայտարարում են, որ Լելե-Թեփեն ռազմավարական նշանակություն չունեցող, «անպիտան» տարածք է եղել, Հակոբյանը պատասխանեց․ «Հայրենիքը ՀՀԿ-ինը չէ, հայ ժողովրդինն է և նրանք են որոշելու»։ Հակոբյանը չցանկացավ մեկնաբանել, թե քանի նմանատիպ ոչ ռազմավարական տարածքներ կան, որոնք կարող ենք հակառակորդին զիջել, ինչպես Լելե-Թեփեի դեպքում եղավ։ Նա վստահեցրեց՝ բանակը որևէ բանի կարիք չունի․ «Բանակն ամեն ինչով ապահովված է և եթե քաղաքացին որոշել է ինչ-որ բանով օգնել բանակին, դա նրա կամքն է»։
Հակոբյանը նաև չմեկնաբանեց Հայկազ Բաղմանյանի՝ ՀԱՊԿ միացյալ շտաբի պետի տեղակալի պաշտոնում նշանակումը․ «Ես վերադասի որոշումները չեմ մեկնաբանում»։
Անդրադառնալով ապրիլյան պատերազմին՝ Հակոբյանն ասաց, որ դա բանակի համար մեծ դաս էր․ «Այս երկու տարիների ընթացքում մեծ աշխատանք է կատարվել և այն խնդիրների ուղղությամբ, որոնք պարզվեցին երկու տարի առաջ, անհրաժեշտ քայլեր են ձեռնարկվել»։
Մանրամասները՝ տեսանյութում։
