27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Հրայր Ալիխանյանը՝ Մ23 ԱԱ-ի բրոնզե մեդալակիր
07.11.2021 | 22:46
Սերբիայում ընթացող մինչև 23 տարեկանների աշխարհի առաջնությունում 74 կգ քաշային ազատ ոճային ըմբիշ Հրայր Ալիխանյանը բրոնզե մեդալ է նվաճել։ Հայ ըմբիշը 10-0 հաշվով փայլուն հաղթանակ է տարել Ավստրիայի ներկայացուցչի նկատմամբ։
Հիշեցնենք, որ ազատ ոճային ըմբիշ, 61 կգ քաշային Արսեն Հարությունյանը Սերբիայում ընթացող աշխարհի մինչև 23 տարեկանների առաջնության եզրափակչում 11-7 հաշվով հաղթել է ռուս Արտուր Չեբոդաևին։ Մեր ըմբիշը նվաճել է երիտասարդների ԱԱ-ի ոսկե մեդալ։
Նախօրեին 70 կգ քաշային կարգի եզրափակիչում ազատ ոճային ըմբիշ, 70 կգ քաշային Վազգեն Թևանյանը գոտեմարտել է Ղրղզստանի ներկայացուցիչ Էրնազար Ակմատալիևի հետ։ Մեր ըմբիշը 2-10 հաշվով պարտություն է կրել՝ դառնալով ԱԱ-ի արծաթե մեդալակիր։
Ազատ ոճային ըմբիշ, 79 կգ քաշային Արման Ավագյանը մինչև 23 տարեկանների Աշխարհի առաջնությունում բրոնզե մեդալ է նվաճել։
Ազատ ոճային ըմբիշ 57 կգ քաշային Մանվել Խնձրցյանը դարձել է բրոնզե մեդալակիր։ 65 կգ քաշային Հրաչյա Մարգարյանը գոտեմարտի վերջին ակնթարթում բաց է թողել հաղթանակը։ Բրոնզե մեդալի համար պայքարում 2։4 հաշվով զիջել է թուրք մրցակցին։
