13.12.2025 | 10:19
Ավտոճանապարհներին մառախուղ է, տեսանելիությունը՝ 50-100 մետր․ Ճանապարհային դեպատամենտ
Իսպանիայում ուղևորները փախել են ինքնաթիռի վայրէջքից հետո
07.11.2021 | 20:42
Իսպանիայի Մայորկա կղզում նոյեմբերի 6-ին ոստիկանությունը փնտրում էր մի քանի տասնյակ ուղևորների, որոնք փախել էին Մարոկկոյից չվերթի հարկադիր վայրէջքից հետո: Այս մասին հայտնում է The New York Times-ը։
Մարոկկոյից Թուրքիա թռչող Air Arabia Maroc ավիաընկերության ինքնաթիռը վայրէջք է կատարել Պալմա դե Մայորկայում ՝ ուղևորին բժշկական օգնություն ցուցաբերելու համար:
Վայրէջքից հետո ուղևորը տեղափոխվել է հիվանդանոց, սակայն շուտով դուրս է գրվել և ձերբակալվել հիվանդության իմիտացիա անելու կասկածանքով, որպեսզի իրեն և այլ անձանց հնարավորություն տա ապօրինաբար Իսպանիա հասնել:
Նրա հոսպիտալացման ժամանակ մյուս ուղևորները լքել են ինքնաթիռը, հատել թռիչքուղին և անցել օդանավակայանի ցանկապատերի միջով:
Միջադեպի պատճառով օդանավակայանը փակվել է ավելի քան երեք ժամով, իսկ մի քանի այլ ինքնաթիռներ ստիպված են եղել շեղվել ուղեգծից:
