11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
ԵԱՀԿ Մինսկի Խմբի շրջանակներում, կարծում եմ, առաջիկայում կլինեն նոր հանդիպումներ․ ԱԳ փոխնախարար
Քաղաքականություն
04.11.2021 | 10:45
ՀՀ արտաքին գործերի նախարարի տեղակալ Վահե Գևորգյանը ԱԺ արտաքին հարաբերությունների ու Ֆինանսավարկային և բյուջետային հարցերի մշտական հանձնաժողովների համատեղ նիստի ընթացքում խոսեց Նյու Յորքում տեղի ունեցած ԵԱՀԿ Մինսկի խմբի համանախագահների գլխավորությամբ Հայաստանի և Ադրբեջանի արտաքին գործերի նախարարների հանդիպման մասին ու նշեց, որ առաջիկայում նոր հանդիպումներ կլինեն:
«Կարծում եմ՝ ամենամեծ արդյունքը սեպտեմբերի 23-ին և 24-ին Նյու Յորքում ՀՀ արտգործնախարարի և ԵԱՀԿ Մինսկի խմբի համանախագահների հանդիպումն էր, որին հետևեց Ադրբեջանի արտաքին գործերի նախարարի հետ հանդիպումը: ԵԱՀԿ Մինսկի խմբի համանախագահները հանդես եկան հայտարարությամբ, որտեղ կրկին վերահաստատեցին, որ իրենք գործում են իրենց մանդատի շրջանակներում, որը Լեռնային Ղարաբաղի հակամարտության կարգավորումն է:
Այս փուլում դա շատ կարևոր արձանագրում է: Մենք շարունակելու ենք մեր ջանքերն այս ուղղությամբ: Կարծում եմ, որ մոտ ժամանակներում կլինեն նոր հանդիպումներ և պայմաններ կստեղծվեն խաղաղ գործընթացի լիարժեք վերսկսման համար»,- ասաց ՀՀ արտաքին գործերի նախարարի տեղակալը:
Վահե Գևորգյանի խոսքով՝ Հայաստանը կարևոր է համարում, որպեսզի առաջարկվող տարածաշրջանային համագործակցության ֆորմատները չկրկնօրինակեն արդեն գոյություն ունեցողներին։
«Կան մի քանի տարածաշրջանային համագործակցության առաջարկներ և «3+3»-ը դրանցից մեկն է։ Մեզ անհրաժեշտ է միասնական դիրքորոշում որդեգրել բոլորի հանդեպ։ Մեզ համար առաջնայինը Հայաստանի ազգային շահերի պաշտպանությունն է, վտանգների, ռիսկերի հաշվարկումը:
Մեզ համար առաջնային է, որ որևէ կրկնօրինակում չլինի ԵԱՀԿ Մինսկի խմբի համանախագահության հետ։ Այդ բոլոր առաջարկները դիտարկվում են և այժմ դեռևս որևիցե առաջընթացի կամ որոշման մասին վաղ է խոսել»,- նշեց Գևորգյանը։
Մանրամասները՝ տեսանյութում:
