26.08.2026 | 18:25
Հայաստանի և Վրաստանի ֆուտբոլի ֆեդերացիաները քննարկում են ունեցել
Սերժ Սարգսյանն իր փորձը կարող է փոխանցել, ոչ թե վարչապետի պաշտոնում, այլ ՀՀԿ-ի քաղաքագիտության դպրոցում․ Արմեն Մարտիրոսյան․ ՏԵՍԱՆՅՈՒԹ
30.03.2018 | 20:20
«Ինձ բացարձակ չի մտահոգում հանրահավաքին քաղաքացիների ավելանալն ու պակասելը, ինձ մտահոգում է երկրի վիճակը։ Տասնյակ հազարավոր քաղաքացիներ են պետք, և դա երաշխիք է լինելու, որ միջազգային հանրությունը քաղաքացիական անհնազանդությունը կպաշտպանի։ Շատ կարևոր է ցույց տալ, որ Հայաստանում որքան էլ իշխանությունները սպանել են քաղաքական դաշտը, բայց դեռևս մենք անհույս կորած պետություն և ժողովուրդ չենք, և դիմադրության կա՝ փոքր կամ մեծ»,-Ազատության հրապարակում Factor.am-ի հետ զրույցում ասաց «Ժառանգության» փոխնախագահ Արմեն Մարտիրոսյանը։
Խոսելով «Քաղաքացիական պայմանագիր» կուսակցության՝ իրենցից առանձին պայքարի դուրս գալու որոշման մասին՝ Մարտիրոսյանը նկատեց, որ դա հենց իշխանության ուզածն է, ևայդ որոշմամբ կկատարվի իշխանության կամքը․ «Բոլորը պետք է իրենց կուսակցական ամբիցիաները մի կողմ դնեն և համախմբվեն։ Մենք գնացել ենք պատճառներ գտնելու ուղղությամբ, որը տանում է համախմբման»,-ասաց «Ժառանգության» փոխնախագահը։
Անդրադառնալով լավ ղեկավարի չափոփորոշիչներին՝ Մարտիրոսյանը նկատեց․ «Եթե ասում են, որ բացի Սերժ Սարգսյանից ուրիշ ոչ ոք չի կարող, նշանակում է նա լավ ղեկավար չէ»,-ասաց նա՝ հավելելով, որ Սերժ Սարգսյանն իր փորձը կարող է փոխանցել ոչ թե վարչապետի պաշտոնում, այլ, օրինակ, համալսարանի քաղաքագիտության ամբիոնում կամ ՀՀԿ-ի քաղաքագիտության դպրոցում։
Ամբողջությամբ՝ տեսանյութում
