19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Փայլասարի հատվածում որևէ դիրքային փոփոխություն տեղի չի ունեցել․ Փաշինյան․ ՏԵՍԱՆՅՈՒԹ
Տեսանյութեր
27.10.2021 | 16:44
Սահմանապահ զորքերը Փայլասարի հատվածում շարունակում են ծառայություն իրականացնել այն դիրքերում, որտեղ սկսել են ծառայություն իրականացնել 2020-ի դեկտեմբերից: Այս մասին ԱԺ-ում կառավարության անդամների հետ հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ անդրադառնալով պատգամավոր Նարեկ Ղահրամանյանի հարցին:
«ԱԱԾ սահմանապահ զորքերի հրամանատարը երեկ այս դահլիճում պատգամավորներին պարզաբանում է տվել և արձանագրել է, որ որևէ դիրքային փոփոխություն տեղի չի ունեցել, և սահմանապահ մեր ծառայությունը ծառայություն է իրականացնում այն դիրքերում, որ եղել է նաև նախկինում»,- նշեց վարչապետը:
Նա հիշեցրեց, որ այդ առիթով ԱԱԾ-ն հայտարարություն է տարածել, նաև սահմանապահ զորքերի հրամանատարը դռնփակ ռեժիմով ԱԺ նիստում պատասխանել է պատգամավորների հարցերին:
«Այս հատվածում սահմանապահ զորքերը ծառայություն սկսել են իրականացնել 2020-ի դեկտեմբերից: Եվ 2020-ի դեկտեմբերին ինչ դիրքերում եղել ենք, այսօր էլ շարունակում ենք մնալ»,- վերահաստատեց վարչապետը:
Մանրամասները՝ տեսանյութում:
