18.02.2026 | 23:28
Ստեփանծմինդա-Լարս ավտոճանապարհը փակ է
Բույսերի հակաքաղցկեղային ազդեցության, օրգանների փոխպատվաստման մասին․ հայ գիտնականների փորձն ու գործը․ ՏԵՍԱՆՅՈՒԹ
02.11.2021 | 18:32
Օրբելու անվան Ֆիզիոլոգիայի ինստիտուտի ինժեներիայի և հյուսվածքաբանության լաբորատորիայում 5 երիտասարդ գիտնական ու նրանց գիտական ղեկավար Զարուհի Կարաբեկյանն ուսումնասիրում են՝ ինչպես կարող են տարբեր օրգանների՝ մաշկի, լյարդի, երիկամի և ոչ միայն, փոխպատվաստման տարբերակներ գտնել։
Factor TV-ն գիտնականների խմբի հետ զրուցել է իրենց փորձի ու գործի մասին, նաև անդրադարձել Հայաստանում գիտության զարգացման հեռանկարին։
Հայաստանում գիտության զարգացման ու ոլորտը որպես առաջնահերթություն դիտարկելու մասին բազմիցս խոսել են իրենք՝ գիտնականները, նաև գործարարներն ու իշխանության ներկայացուցիչները։
2021 թվականի համեմատ՝ 2022-ին երկրում գիտության ֆինանսավորումը կավելանա 83 տոկոսով և ոլորտին մոտ 25 մլրդ դրամ կհատկացվի։ Սա 2022-ին նախատեսվող ՀՆԱ-ի 0․32%-ն է։
ACSES վերլուծական կենտրոնի տվյալով՝ 2016–2018 թվականներին Հայաստանում գիտության միջին տարեկան պետական ծախսեր/ՀՆԱ հարաբերակցությունը կազմել է 0.17%։ Հայաստանն այս ցուցանիշով զիջում է գիտության ֆինանսավորման առաջատար երկրներին՝ միևնույն ժամանակ գերազանցելով հարևան Վրաստանին և Ադրբեջանին։
Մանրամասները՝ տեսանյութում։
Անահիտ Հակոբյան
