25.03.2026 | 11:55
Քոչարյանի որդին հեռախոսների ներկրման մենաշնորհ ուներ, դիսկոմֆորտ չե՞ք զգում․ ՔՊ-ականը՝ Թադևոս Ավետիսյանին․ ՏԵՍԱՆՅՈՒԹ
2022 թ․-ին բյուջեի 9.8%-ը կուղղվի պետական պարտքի տոկոսավճարներին․ ՏԵՍԱՆՅՈՒԹ
Տնտեսություն
25.10.2021 | 11:42
Պետությունը նախատեսում է հետևողական և շարունակաբար նվազեցնել պետական պարտքը՝ այն բերելով օրենքով սահմանվածի շրջանակ: Այս մասին ասաց ՀՀ ֆինանսների նախարար Տիգրան Խաչատրյանը՝ ԱԺ մշտական հանձնաժողովների համատեղ նիստերում «ՀՀ 2022 թվականի պետական բյուջեի մասին» օրենքի նախագծի քննարկմանը:
«2022թ.-ի պարտքի մարման և սպասարկման համար կպահանջվի 517 մլրդ դրամ, որից 303 մլրդ դրամը՝ պարտքի մարումներին ուղղված գումարները կլինեն, իսկ 214 միլիարդը՝ պարտքի սպասարկման տոկոսավճարները կկազմեն:
Պարտքի սպասարկման հետ կապված ծախսերը կկազմեն 2021թ. բյուջետային ծախսերի 9.8%-ը և ՀՆԱ-ի 2,7 տոկոսը:
Մեր հիմնական խնդիրներից մեկը այն է, որ կառավարության պարտքի զգալի մասն արտարժութային են։ Այսինքն՝ թե՛ պարտքը, թե՛ պարտքի սպասարկման հարցերը շատ զգայուն են փոխարժեքի փոփոխության հարցերից։
Զգալի արտաքին պարտք ունենք։ 2022-ի ավարտին արտաքին պարտքը կկազմի ընդհանուր պարտքի 69 տոկոսը»,- ասաց Տիգրան Խաչատրյանը։
Մանրամասները՝ տեսանյութում:
