08.10.2026 | 10:22
Երևան–Սևան ճանապարհին միկրոավտոբուս է կողաշրջվել․ 8 տուժած կա
Ձերբակալվել է ԲՀԿ-ական նախկին պատգամավոր Ջանիբեկ Հայրապետյանը
Հասարակություն
22.10.2021 | 12:26
Ձերբակալվել է «Բարգավաճ Հայաստան» կուսակցության նախկին պատգամավոր Ջանիբեկ Հայրապետյանը: Ինչպես Factor.am-ի հետ զրույցում հայտնեց Քննչական կոմիտեի մամուլի քարտուղար Վարդան Թադևոսյանը՝ Դատախազությունը կալանավորման միջնորդություն է ներկայացրել դատարանին։
«Ջանիբեկ Հայրապետյանը ձերբակալվել է ՀՀ քրեական օրենսգրքի 112 հոդվածի 1-ին մասով (դիտավորությամբ մեկ ուրիշին մարմնական վնասվածք պատճառելը կամ առողջությանն այլ ծանր վնաս պատճառելը)»,- նշեց Թադևոսյանը։ Մեր այն հարցին, թե որ դեպքի առթիվ է հարուցվել քրեական գործը, Թադևոսյանը խոստացավ ավելի ուշ պատասխանել։
Հիշեցնենք՝ Ջանիբեկ Հայրապետյանը 2018 թվականին ՀՀ Ազգային ժողովի պատգամավոր էր ընտրվել թիվ 10 ընտրական տարածքից Բարգավաճ Հայաստան կուսակցության ցուցակով։ Մինչ այդ նա զբաղեցրել է Եղվարդ համայնքի ղեկավարի տեղակալի պաշտոնը։
