16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Մեկ օրում ոստիկանները բացահայտել են հանցագործության 51 դեպք, որից՝ 1-ը նախկինում կատարված
Հասարակություն
19.10.2021 | 10:50
Ըստ ոստիկանության օպերատիվ հաղորդագրությունների ամփոփագրերի` հոկտեմբերի 18-ից 19-ը Հայաստանի Հանրապետության ոստիկանության ստորաբաժանումները բացահայտել են հանցագործության 51 դեպք, որից՝ 1-ը նախկինում կատարված․ տեղեկացնում են ՀՀ ոստիկանությունից։
Մասնավորապես՝ անձնական ունեցվածքի գողության՝ 11, խարդախության՝ 9, ընտանեկան բռնության՝ 4, մարմնական վնասվածք պատճառելու՝ 3, հարկերից խուսափելու, խուլիգանության, թմրամիջոցի հայտնաբերման, սպանության սպառնալիքի և պաշտոնեական լիազորությունների չարաշահման՝ 2-ական, կողոպուտի, յուրացման կամ վատնման, գույքը դիտավորությամբ ոչնչացման, համակարգչային հանցագործության, կաշառակերության, ծանր վիրավորանքի, թմրամիջոցների, հոգեմետ նյութերի և դրանց պրեկուրսորների մաքսանենգության, ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու, աշխատանքի պաշտպանության կանոնները խախտելու, որն առաջացրել է մահ, ապրանքային նշանն ապօրինի օգտագործելու, բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, տասնվեց տարին չլրացած անձի հետ սեռական հարաբերության ու թմրանյութի իրացման՝ 1-ական դեպք։
Հայտնաբերվել է 6 հետախուզվող։ Կամավոր ներկայացել է 7 հետախուզվող։
Գրացվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է անձնական ունեցվածքի գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար. 1 մարդ զոհվել է, 16-ը՝ ստացել տարբեր աստիճանի մարմնական վնասվածքներ:
