19.12.2025 | 22:08
Ուկրաինան պնդում է, որ հարձակվել է Միջերկրական ծովում Ռուսաստանի «ստվերային նավատորմին» պատկանող լցանավի վրա
Երեք վիրավոր զինվորների վիրահատություններն էլ հաջող են անցել, ոչ մեկի կյանքին վտանգ չի սպառնում. Արտակ Բեգլարյան
Հասարակություն
15.10.2021 | 09:55
Արցախի Հանրապետության պետնախարար Արտակ Բեգլարյանը տեղեկացնում է, որ երեկոյան ադրբեջանական ԶՈՒ-ի կողմից կրակահերթի հետևանքով վիրավորում ստացած երեք զինծառայողների վիրահատել են ու վիրահատությունները հաջող են անցել:
«Քիչ առաջ վերադարձա Ստեփանակերտի զինվորական հոսպիտալից ու հանրապետական բժշկական կենտրոնից, որտեղ երեք վիրավոր զինվորի վիրահատություններ են տեղի ունեցել: Դրանք բոլորն անցել են հաջող, և վիրավորներից ոչ մեկի կյանքին վտանգ չի սպառնում:
Մեծագույն շնորհակալություն մեր բժիշկներին՝ իրենց առաքելությունը բարձր նվիրումով ու արհեստավարժությամբ իրականացնելու համար»,- գրել է նա:
Հիշեցնենք, որ երեկ երեկոյան Պաշտպանության բանակը տեղեկացրել էր, որ ադրբեջանական զինված ուժերը կրակ են բացել Արցախի Հանրապետության արևելյան սահմանագոտում տեղակայված ՊԲ մարտական հենակետի ուղղությամբ, ինչի հետևանքով հրազենային վիրավորում է ստացել վեց զինծառայող:
