Չիպավորում կամ դաջվածք․ նոյեմբերի 1-ից Երևանում շուն ու կատու պահողները կենդանիներին պիտի հաշվառեն.ՏԵՍԱՆՅՈՒԹ

Երևանի բոլոր բնակիչները տանը կամ բակում պահվող իրենց շներին և կատուներին պարտավոր կլինիեն հաշվառել, այլ կերպ ասած նույնականցնել։ Գործընթացն արվելու է անասնաբուժական կլինիկաներում՝ դաջվածքի կամ միկրոչիպի միջոցով։ Երևանի ավագանու որոշմամբ, պահանջը ուժի մեջ կմտնի նոյեմեբրի 1-ից։ Կենդանասերների առաջին տպավորություններն ու արձագանքները համացանցում գտանք, մեծամասամբ բացասական կամ կասկածանքով լի, որ սա հերթական թղթի վրա մնացող իրավական ակտն է դառնալու։

 Անասնաբուժական անձնագրի առկայությունը և տարեկան պարտադիր զննումները պարտադիր պահանջ կդառնան ընտանի կենդանի՝ առայժմ շուն ու կատու պահելու թույլտվություն ստանալու համար։  

Թե ինչպես է արվում միկրոչիպի տեղադրումը, անասնաբույժը մանրամասնեց։  Սա աշխարհում ընդունված միջոց է, Հայաստանում էլ վաղուց է ներդրված, բայց քչերն էին դիմում այդ միջոցին։ Հիմա ստիպված կլինեն, հակառակ դեպքում տուգանք կսահմանվի։ 

 Միկրոչիպի տեղադրումից կամ դաջվածք իրականացնելուց հետո տվյալները և 13-15 նիշանոց չկրկնվող թվերը փակցվում են կենդանու առողջապահական անձնագրի մեջ։ Կենդանու տերը տվյալները պետք է ներկայացնի բնակության վայրի վարչական շրջան, դրանք կմուտքագրվեն տվյալների միասնական համակարգ, որից հետո տերը ամբողջությամբ պատասխանատվություն կկրի իր խնամքի տակ գտնվող կենդանու համար։  Պահանջը ուժի մեջ կմտնի փուլային տարբերակով։ Նախ  խնամակալները պետք է  կենդանուն ներկայացնեն անասնաբույժի,  համապատասխան պատվաստումներն ու մշակումները ստանալուց հետո միայն տերը թույլտվություն կստանա հետագա խնամակալության։ Անձը, որը  արդեն հաշվառել է կենդանուն, պարտավորվում է հոգ տանել նրա մասին և փողոց չնետել, հակառակ դեպքում կսահմանվի վարչական տուգանք՝ տնային կենդանիներին պահելու կանոնները խախտելու համար։ Կենդանուն պահելու թույլտվություն ստանալու և հաշվառելու համար գումար չի պահանջվի, բացի այդ, սահմանված տեղական տուրքը, որը ուժի մեջ էր մտել 2014 թ-ից, սակայն այպես էլ չէր կիրառվում, չի գանձվի ոչ այս, ոչ մյուս տարի։  

Մանրամասները՝ տեսանյութում։

Սաթենիկ Հայրապետյան