16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Հաղթանակ թաղամասում վիճաբանությունն ավարտվել է դանակահարությամբ․ 46-ամյա տղամարդը մահացել է
Հասարակություն
12.10.2021 | 12:25
Այսօր ուշ գիշերին սպանություն է տեղի ունեցել Երևանում։ Ինչպես Factor.am-ի հետ զրույցում հայտնեց ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը, ժամը 01:30-ին ոստիկանության բաժին ահազանգ է ստացվել, որ Ամառանոցային 1-ին տարածքի 51Ա և 53 հասցեների մոտ վիճաբանություն է եղել:
«Վիճաբանողներից մեկը մյուսի կրծքավանդակին դանակով մի քանի հարված է հասցրել։ 46-ամյա վիրավորին տեղափոխել են «Աստղիկ» բժշկական կենտրոն, սակայն ճանապարհին մահացել է։ Ձեռնարկվում են միջոցառումներ՝ հանցագործության գործիք հանդիսացող դանակը և կասկածյալին հայտնաբերելու ուղղությամբ»,- նշեց Ջանոյանը։
Նշանակվել է դատաբժշկական փորձաքննություն։ Կատարվում է նախաքննություն:
