19.11.2024 | 16:33
Հովիկ Աղազարյանը հրավիրվել է Հակակոռուպցիոն կոմիտե
Բաթումում փլատակներից դուրս են բերել 9-րդ զոհի մարմինը
09.10.2021 | 19:04
Բաթումում բնակելի շենքի մի մասի փլուզման հետևանքով զոհերի թիվը հասել է 9-ի, փրկարարները փլատակներից դուրս են բերել, ենթադրաբար, վերջին մարդու մարմինը: «ՌԻԱ Նովոստի»-ի փոխանցմամբ՝ հայտնել է ՆԳՆ ղեկավար Վախթանգ Գոմելաուրին:
Ինչպես ավելի վաղ տեղեկացրել էինք, Վրաստանի կառավարությունը հոկտեմբերի 11-ը սգո օր է հայտարարել Բաթում քաղաքում տան մասնակի փլուզման հետևանքով մարդկանց զոհվելու կապակցությամբ։
Հիշեցնենք, որ Վրաստանի Բաթում քաղաքում երեկ առավոտյան փլուզվել է բնակելի հինգհարկանի շենքի մեկ մուտքը:
Ոստիկանությունը 3 մարդու է ձերբակալել շենքի փլուզման գործով, որոնցից մեկն առաջին հարկում գտնվող բնակարանի սեփականատերն է, իսկ երկուսը ՝ այնտեղ վերանորոգման աշխատանքներ կատարող բանվորներ։ Քննության տվյալներով ՝ փլուզումը առաջացրել են անվտանգության կանոնների կոպիտ խախտմամբ կատարված վերանորոգման աշխատանքները։ Նրանց սպառնում է 2-10 տարվա ազատազրկում։
